سهما
ئیرۆ ل رێكهفتی 16ـی شوباتا 2026ـێ، فارس عیسا سهرۆكێ نونهراتییا حكومهتا ههرێما كوردستانێ ل بهغداد ڕاگههاند: حكومهتا ههرێمێ ب هووری كار ل سهر پرسا سهرژمێرییا گشتی و بودجهیا ههرێما كوردستانێ ل بهغداد دكهت.
دیار ژی كر: پرسا سهرژمێریێ ئێكه ژ پرسێن ههره گرنگ یێن حكومهتا ههرێما كوردستانێ و سهرۆكێ حكومهتا ههرێما كوردستانێ رێزدار مهسرور بارزانی ب رژدی بهرهڤانیێ ژ رێژهیا دروست یا ئاكنجیێن ههرێمێ ل عیراقێ دكهت ئهوژی 14.1% لێ بهغدا كێمتر ژ ڤێ رێژهیێ موچه و بودجهی ڤرێدكهت و نابت پرسا موچهی و بودجهی تێكهلی پرسێن سیاسی ببن.
ل دۆر كێشهیێن دارایی ناڤهاتی ئاشكهراكر كار ل سهر جێگركرنا شاییستهیێن دارایی یێن سالا 2026ێ دكهین و ههولددهین وهكو سالا چۆیی شایستهیێن دارایی بهێنه جێگركرن.
ژبهركو بهغدا موچهی وهكو كارتا فشارێ بكاردئینت فارس عیسایی دلگرانییا خۆ ژی نیشاندا و گۆت: فهرمانبهرێن ههرێمێ پشكهكن ژ فهرمانبهرێن دهولهتێ دڤێت وهكو ههموو فهرمانبهرێن عیراقێ پێتڤییه ژ مافێن خۆ مفادار بن.