ناڤهندا نووچهیان – سهما
پرۆژێ رووناكی ل چهند ناڤچهیێن دیتر یێن ههرێما كوردستانێ دێ دهستپێكهت و ئارمانج ژی بهری ههیڤا 7 یا ئهڤساله كارهبا ههموو پارێزگههێن ههرێما كوردستانێ ببته 24 دهمژمێری.
پرۆژهیێ رووناكی دێ ئاریشهیا 30 سالی یا كارهبێ چارهسهر كهت و ههتا نهۆ نێزیكی 5ملیۆن وهلاتییان نێزیكی 80% ژێ مفادار بووینه و رێژهیا مایی ژی ل هاڤینا ئهڤساله دێ كارهبا پێگههت.
ل گۆر ژێدهرێن وهزارهتا كارهبێ ل ههرێما كوردستانێ ل ڤێ ههفتیێ تیمێن پرۆژهیێ رووناكی دێ دووباره ل ناڤچهیێن ههرێما كوردستانێ یێن كارهبا 24دهمژمێری نهگههشتیێ دهست ب كارێن خۆ كهن.
ئهڤه د دهمهكیدایه 10/2/2026ـێ، مهسرور بارزانی سهرۆكێ حكومهتا ههرێما كوردستانێ ل دهمێ راگههاندنا پرۆژێ “ئی پسوولە” گۆت: بریاربوو ل داوییا سالا 2026 ب رێكا پرۆژێ رووناكیێ كارهبا 24دهمژمێری بۆ تهڤایا كوردستانێ بهێته دابینكرن، بهلێ ئهڤ كاره زووتر ژ دهمێ خۆ دێ ئێته ئهنجام دان، و هاڤینا ئهڤساله ههرێما كوردستانێ دێ بته خودانا كارهبا 24دهمژمێری.
پرۆژێ رووناكی، ئێكه ژ پرۆژێن ستراتیژی یێن كابینهیا 9ێ یا حكومهتا ههرێما كوردستانێ بۆ وهلاتییان، ب رێكا ڤی پرۆژهیی چار ههزار موهلیدهیێن كههرهبێ هاتینه ڤهمراندن كو ئێكسانه ب دوكێلا 700ههزار ترۆمبێلان، ئهڤ چهنده دێ كاریگهرییهكا مهزن ل سهر ژینگهها باژێران دروست كهت.