دیوانا هەلبەستێن شەهید ئەرجان ماری هاته‌ چاپكرن

شەهید ئەرجان ماری، کو خەلکێ ناحیه‌يا باعه‌درێ یە، ئێکە ژ هەلبەستڤانێن دیار یێن ئێزدی یێن کو هەلبەستێن خۆ بۆ کێشەیێن نەتەوەیی و مرۆڤاتييێ تەرخان کربوون، بەری کو د ناڤ پرۆسەیێن ئەنفالێن بە دناڤ دا ل سالا 1988ێ دەستێ غەدرێ بگەهتێ و دگەل هه‌زاران بێگونەهێن گەلێ کورد شەهید ببت.

دەرکەفتنا ڤێ پەرتووکێ وەک گاڤەکا گرنگ دئێت بۆ دیکیۆمێنتکرنا بەرهەمێ ئەدەبی یێ قوربانیيێن ئەنفالێ، و زیندۆراگرتنا بیرەوەریيا هەلبەستڤانەکی یە کو مرنێ نكارى ڕێگریيێ ل گەهاندنا پەیاما وی بگرت، ئەو پەیاما دبێژت: “هەلبەستڤان دچن، لێ نیشتمان ب نەمری دمینن.”