ناڤەندا نووچەیان- سەما
وەزارەتا خواندنا بلند و ڤەکۆلینێن زانستی یا هەرێما کوردستانێ، داخوازێ ژ زانکۆیێن حکومی و پەیمانگەهێن ئەهلی یێن هەرێمێ دکەت، کو د ماوێ پێنج ڕۆژان دا فەرمانا زانکۆیی یا وان دەرچۆیێن پشکێن پزیشکی و تەندروستی یێن کو ئاکنجیێن دەرڤەی ئیدارەیا هەرێما کوردستانێ نە ڕەوانە بکەن، داکو ب مەرەما دامەزراندنێ ئاراستەی وەزارەتا تەندروستییا عێراقێ بێنە کرن.
دوهی ڕۆژا سێ شەمبوویێ، 24ی شوباتا2026، وەزارەتا خواندنا بلند ب ئیمزايا “توانا نەجەف” ڕێڤەبەرێ فەرمانگەها کارگێڕی و دارایی، نڤیسارەک ب هەڤپێچ دگەل نڤیسارا نوێنەرایەتییا حکومەتا هەرێمێ ل بەغدا و نڤیسارا وەزارەتا تەندرۆستییا عێراقێ، بۆ گشت زانکۆ و پەیمانگەهێن ئەهلی یێن هەرێمێ هنارتییە، کو تایبەتە ب دامەزراندنا دەرچوویێن کۆلێژ و پشکێن پزیشکی و تەندرۆستی یێن کو ئاکنجیێن دەڤەرێن دەرڤەی ئیدارەیا هەرێمێ نە.
هەر د نڤیسارێ دا هاتیە، پێدڤییە د ماوێ پێنج ڕۆژان دا زانکۆ و پەیمانگەهـ فەرمانێن زانکۆیی و کارگێڕی یێن دەرچۆیان ڕەوانە بکەن.
ئەڤ بڕیارە دەرچۆیێن سالێن خواندنێ یێن 2022-2023 و 2023-2024 بخۆ ڤە دگرت.
