ناڤەندا نووچەیان – سەما
مەسرور بارزانی دبێژت، ههتا نۆكه پارتی و ئێكهتى ل دۆر پرسا سەرۆککۆمارى نەگەهشتينه ڕێککەفتنێ. دهربارەی ڕۆژئاڤايێ کوردستانێ ژى، تهكهز كر، “سەرۆک بارزانی رۆلەکێ سەرەکی هەبوو بۆ ڕاگرتنا شهڕى و رێککەفتنا د ناڤبەرا هەسەدێ و حکوومەتا سووریا دا.”
ئيڕۆ ئێک شەمبوويێ، 1ی شواتا 2026، ب ئامادەبوونا مەسرور بارزانی، سەرۆکێ حکومەتا هەرێما کوردستانێ، رێوڕەسم[ن ساڵیادا ‘شەهیدێن ئيكى شوباتێ’ ل هەولێرێ ب ڕێڤەچوون. د رێوڕەسمان، سەرۆکێ حکومەتا هەرێما کوردستانێ، تاجەگوڵینەيا رێز و وەفادارى ل سەر مۆنۆمێنتا شەهیدێن ئێكى شوباتێ دانا.
پشتی پشکداریکرنێ د ڕێوڕەسمێن سالانە یێن شەهیدێن ئێكى شوباتێ ل هەولێرێ، مەسرور بارزانی بەرسڤا چەندین پرسیارێن رۆژنامەڤانان دا” سەرۆکێ حکومەتێ ڕاگەهاند، هەتا نۆکە چ ڕێککەفتنەکا فەرمی ل سەر پۆستێ سەرۆککۆماری نەهاتیە کرن. گۆتژی” دانوستاندن د بەردەوامن و دێ چاڤەڕێ بین کا دێ گەهنە چ ئەنجامان و گۆتژی” بڕیارا وان دێ ل سەر بنەمایێ “بەرژەوەندییێن بلند یێن گەلێ مە” بت.
سەرۆکێ حکومەتێ دوپاتکر” پێکئینانا حکومەتا نوو یا هەرێمێ و هەلبژارتنا سەرۆککۆمارێ عێراقێ دو پرسێن جودانە و نابت تێکەلی هەڤدو بێنە کرن.”
دەربارەی ڕەوشا ڕۆژئاڤایێ کوردستانێ، مەسرور بارزانی ئاماژە ب هندێ کر کو سەرۆک مەسعود بارزانی ڕۆلەکێ سەرەکی و بنەڕەتی هەبوو د گەهشتنا ڕێککەفتنێ د ناڤبەرا هەسەدێ و حکومەتا سوورییێ دا.
هیڤی خواست کو ئاشتی و سەقامگیری بۆ هەموو سووریا و ب تایبەت بۆ رۆژئاڤایێ کوردستانێ بزڤڕت.