ناڤەندا نووچەیان – سەما
ئيرۆ چارشەمبوويێ، 4ـی شووباتا 2026، سەرۆک بارزانی، پەیامهك ل دۆر کۆمکرنا هاریکارییان بۆ ڕۆژئاڤایێ کوردستانێ بهلاڤ كر.
د پەیاما سەرۆک بارزانی دا هاتييە “سوپاسییا هەموو وهلاتییێن خۆشتڤییێن کوردستانێ دکەم بۆ ب دەنگ هاتنا وان یا دلسۆزانە، د کۆمکرنا هاریکارییاندا بۆ خوشك و برایێن مە ل ڕۆژئاڤاییێ کوردستانێ، ئەڤه هەلویستێ وان یێ دیرۆكییه و جهێ شانازی و پێزانینێیە.”
هەروەسا سەرۆک بارزانی دەستخۆشی و سوپاسییهكا تایبەت ل دەزگەهێ خێرخوازییێ بارزانی و هەموو وان ڕێکخراو، لایەن، کەسایەتی و میدیایان دکەت یێن کو “ڕۆل د کۆمکرنا هاریکاری و پێدڤییاندا بۆ خوشك و برایێن مە ل ڕۆژئاڤا ههبوون، بزاڤ و ماندیبوونا وان بلند د هەلسەنگینم، كو كارهكێ نەتەوەی و نیشتیمانی ب باشترین شێوە ئەنجامدا.”
سەرۆک بارزانی دوپاتکر “ئەڤ هەلویستە دێ کارتێکرنێ ل سەر بلندبوونا هەستێ نیشتیمانپەروەری و هۆشیارییا نەتەوەيی کەت. خەلکێ خۆشتڤییێ کوردستانێ جارەکا دی ئەو ڕاستییە بۆ هەموو جیهانێ دیارکر کو گەلێ کوردستانێ د خۆشی و نەخۆشیاندا هەڤپشك، هەڤخەم و پشت و پهنايێن ئێكن.”