ناڤهندا نووچهيان – سهما
مير “حازم تهحسين بهگ” ميرێ ئێزديان ل كوردستان، عێراق و جيهانێ پهيامهك بهڵاڤكر و ڕاگههاند، ب هاريكاريا لايهنێن پهيوهنديدار ڕێورهسمێن جهژنا جهمايێ ب خێر و خۆشى هاتنه كرن.
ئيڕۆ سێ شەمبوويێ، 14ـی چريا ئێكێ 2025، ڕاگههاندنا نڤيسينگهها جڤاتا ڕۆحانى يا بڵند يا ئێزديان ڕاگههاندنهك ب ههڵكهفتا ب داوى هاتنا جهژنا جهمايێ بهڵاڤكر.
د ڕاگههاندنێ دا هاتييه، مير حازم تهحسين بهگ، ميرێ ئێزديان سوپاسى و پێزانينێن خۆ ئاراستهى بابا شێخ، پێشيمام، شێخێ وهزير، سهرۆكێ قهوالان و تهڤايا زهلامێن ئۆلى يێن بهشدارى و ڕێڤهبرنا ڕێورهسمێن جهژنا جهمايێ دا كرين دكهت.
ههروهسا سوپاسيا قايمقامێ قهزا شێخان، ههموو دهزگههێن ئێمناهيێ و ساخلهميێ و دهزگههێ خێرخوازيێ بارزانى و كهناڵێن ڕاگههاندنێ دكهين، كو ههڤكار و بهشدار بووين دجهژنێ دا و خزمهتگۆزارى د دڕۆژێن جهژنێ دا پێشكێشى زيارهتكاران كرين. و ههموو لايهنێن سياسى و حزبى و جڤاكى دكهين يێن پيرۆزباهى پێشكێشكرين.
ديسان سوپاسيهكا بێ پايهن ل خلمهتكاران و ههموو ئێزديان دكهين يێن بهرههڤ بووين د جهمايا شيخادى دا و نموونهيا ڕێزگرتن و پابهندى ڕێنمايان بووين ل دهمێ ب ڕێڤهچوونا ڕێورهسمان دا.
ل داويێ هيڤيخوازين ئهڤ جهژنه يا خێر و خۆشى، ئاشتيێ و ساڵا ئێمناهيێ بت بۆ ههموويان.
ڕاگههاندنا نڤيسينگهها جڤاتا ڕۆحانى يا بڵند يا ئێزديان
14/10/2025