ناڤهندا نووچهيان – سهما
سهرۆكێ باژێرڤانيا قهزا شێخان ئاشكراكر، ئيساله جودا ژ ساڵێن بوورى بهرههڤى بۆ جهژنا جهمايێ ل پهرستگهها لالش هاتينه كرن.
ئهندازيار خالد نهرمۆ، سهرۆكێ باژێرڤانيا قهزا شێخان، بۆ سهما گۆت: ل سهر ڕاسپاردهيێن حكومهتا ههرێما كوردستانێ و وهزيرێ باژێرڤانيان و ڕێڤهبهريا گشتى يا باژێرڤانيا ل دهۆكێ، چهند كارێن جودا بۆ پێشوازيكرنا جهژنا جهمايێ ل پهرستگهها لالش هاتينه كرن.
خالد نهرمۆ گۆتژى: ژلايێ دهست شۆيان ڤه ههموو هاتينه رێك و پێككرن و چاڤدێرى دێ ل سهر ههبت، ههروهسا حاويێن گلێشى ل سهر جاددا پهرستگههێ دێ ئێنه دانان، بۆ هندێ سيمايێ لالش تێكنهدهن و پاقژيێ بپارێزن.
ناڤبرى دووپاتكر، داخوازێ ل زيارهتكاران دكهين ل دهمێ ههر ههفت ڕۆژێن جهژنا جهمايێ دا، گرنگيێ ب پاقژيا پهرستگهها لالش بدهن.
سبهى ڕۆژا دووشهمبوويێ 6-10-2025، ڕێورهسمێن جهژنا جهمايێ ل پهرستگهها لالش ل قهزا شێخان دێ ئێنه گێڕان.