ناڤەندا نووچەیان – سەما
بنگەهێ لالش یێ ڕەوشەنبیری و كۆمەلايهتى ل دهۆكێ، ل سالڤهگهڕا دامهزراندنا خۆ دا پهيامهك بهلاڤ كر و دبێژت: ل سەر پاراستنا ناسنامە، فەرهەنگ، کەلەپوور و دیرۆکا خۆ یا زەنگین دێ دبهردهوام بين.
ئيرۆ دووشهمبوويێ، 11ـى ئهيارا 2026، بنگەهێ لالش یێ ڕەوشەنبیری و كۆمەلايهتى ل دهۆكێ پهيامهك ب ههلكهفتا 33 سالييا دامهزراندنا بنگههى بهلاڤ كر.
دهقێ پهيامێ:
بهری 33ێ سالان ل ڕێککەفتی 12ـی گولانا 1993ێ بنگەهێ لالش یێ ڕەوشەنبیری و كۆمەلاتی ل سەر دەستێ كۆمەكا خهمخۆر، ڕهوشهنبیر و كەساتییێن ئێزدی ل دهۆكا داسنییا هاته دامهزراندن.
ب ڤێ ههلكهفتێ گهرمترین پیرۆزباهییان ئاراستهی تهڤایا ئێزدییان ل كوردستانێ و جیهانێ دكهین.
د درێژاهییا دیرۆكا خۆ دا مە کارکرییە وهكو کەلهەکێ بۆ پاراستنا ناسنامەیا ئۆلی ل هەمبەر هەوێن شێواندن و ژناڤبرنا کەلتووری یێن د دهرههقێ ئێزدییان دا ژ ئالییێ نڤیسهرێن بیانی ڤه هاتینه دان.
د ڤێ بیرەوەرییێ دا، دوپات دکەین بهردهوام بین ل سهر پەیاما خۆ یا پیرۆز بۆ ههموو ئێزدییان ل سەر پاراستنا ناسنامە، فەرهەنگ، کەلەپوور و دیرۆکا خۆ یا زەنگین.
بنگەهی لالش؛ خودان دیرۆکەکا پڕ سەروەرییە و نها ژی ب پشتەڤانییا سەرۆکێ حکومەتا ههرێما كوردستانێ ڕێزدار (مەسرور بارزانی)، پێنگاڤهكا مهزن هاڤێتییە بۆ گەهاندنا پەیاما ئێزدییان بۆ جیهانێ، ئەم سۆز ددەین ل سەر ڤێ ڕێبازا خەباتکرنێ بەردەوام بین.
بنگههێ لالش یێ ڕهوشهنبیری و كۆمهلاتی/دهۆك
11ـی گولانا 2026