ناڤەندا نووچەیان – سەما
مەسرور بارزانی، سەرۆکێ حکومەتا هەرێما کوردستانێ پەیامهك دهربارەی ڕوودانێن حەلەبێ بهلاڤكر و ڕاگەهاند، روودانێن حەلەبێ و ئارمانجکرنا کوردان ژ پێخەمەت گوهۆڕینا دیمۆگرافییا دەڤەرێ و دروستکرنا مەترسییێ ل سەر ژیانا وەلاتییێن سڤیل دەستهەلاتا دیمەشقێ و وژدانا جڤاکا نێڤدەولەتی د ئێخیتە بن پرسیارێ.
سەرۆکێ حکومەتێ ئاماژە ب وێ چهندێ دا،شەڕ و توندوتیژی، چارەسەرییا چ کێشەیان ناکەت، چ بههانه نینن ڕێک ب جیاوازییا ڕەگەزی بێتە دان. هێرشا ل سەر تاخێن کوردنشین ل باژێرێ حەلەبێ ئەم گەلەک دلگران کرینە.
ل داويا پەیاما خۆ دا مەسرور بارزانی گۆت: هیڤیدارین هەموو ئالی خۆ ئارام رابگرن و ژیانا وەلاتییان ب پارێزن، ژبۆ چارەکرنا کێشەیان پەنایێ بۆ دیالۆگ و دانوستاندنێ ببەن. هەروەسا هیڤیدارین سیستەمێ حوکمرانییا نوکە یا سووریێ د ئاستێ بەرپرساتییا دەستهەلاتەکا دیمۆکراسی و گشتگیر بۆ هەمی خەلکێ سووریێ بت.