ناڤەندا نووچەیان – سەما
سهرۆك مهسعود بارزانی،ل گهڵ مامۆستایێن ئۆلى ل پارێزگهها دهۆكێ كۆمبوو و داخواز کر خهڵكێ ژ مهترسیێن ماددهيێن هۆشبهر هشیار بكهن.
ئيڕۆ شهمبوويێ، 1ـى چريا دووێ 2025، د ڕاگههاندنهكێ دا بارهگايێ بارزانى ڕاگههاند، ل باژێرێ دهۆكێ سهرۆك مهسعود بارزانی ل گهڵ ژمارەیەکا مامۆستايێن ئۆلى يێن پارێزگهها دهۆكێ كۆمبوو. د كۆمبوونێ دا سهرۆك بارزانی گۆتارهك پێشكێشی ئامادهبووان كر و ڕۆناهى خسته سهر چهند تهوهرێن پێدڤى ب رهوشا نوكه و ئاییندهیێ ههرێما كوردستانێ و عێراقێ.
سهبارهت ههڵبژارتنان، سهرۆك بارزانی ڕاگههاند، ههڵبژارتن پڕۆسهیهكا زۆر گرنگه و تێدا خهڵك بڕیارێ ل سهر چارهنڤيسێ خۆ ددهت و مه ژى دڤێت مللهت ئازاد بت و ب ئازادانه بڕیارا خۆ بدهت، ههرچهنده ب لایێ پارتی ههڵبژارتن بۆ بدهستڤهئينانا پۆستان نینه و مه دڤێت هێز و دهنگێ پارتی بۆ ههموو لایەکى نیشان بدهین و ب وێ هێز و دهنگان بهرهڤانيێ ل مافێن خهڵكێ كوردستانێ و عێراقێ بكهین.
د پشكهكا دى يا گۆتارا خۆ دا سهرۆك بارزانی دا بهحس ل زوڵم و زۆرداریێ كركو ب درێژاهيا مێژوويێ ل دژى خهڵكێ كوردستانێ بێ جیاوازييا ئۆلى و نهتهوهیی هاتيه كرن، ههر ژ دامهزراندنا دهوڵهتا عێراقێ كو مهرجێ دامهزراندنا ئهوێ دهوڵهتێ ههبوونا شهراكهت و ههڤسهنگی و سازان بوو، بهڵێ ئهڤه نههاته بجهئينان، لهوا عێراق ب بهردهوامی تا نوكه د كێشه و ئاڵۆزیان دا دژیت. ههروهسا ئاماژه ب قۆناغێن زوڵم و زۆری و جینۆسایدكرنا خهڵكێ كوردستان كر ب موسڵمان و مهسیحی و ئێزدیان ڤه چ له سهر دهستێ ڕژێمێن عێراقێ یان ل ڤان چهند ساڵێن بوورى كو داعشێ كرن. د ڤی چارچۆڤهیی دا سهرۆك بارزانی بهحس ل زێ چهندێ كر كو كوردستان فهرههنگا پێكڤهژیان و لێبۆرینێ یه و جهێ شانازیێ یه و ل ههموو جیهانێ ژی بهحسێ دكهن، لهوران ئهڤه سامانهكی مهزنه بۆ مه و دڤێت ب پارێزین و زێدهتر ب هێز بین.
د تهوهرهكێ دی يێ گۆتارا خۆ دا سهرۆك بارزانی دا ئاماژه ب وێ چهندێ كر كو پشتی 2003ێ مه ههول دا عێراقهكا نووی ئاڤابكهین، دهستوورێ ههردهمی یێ عێراقێ هاته نڤیسین و پتريا ئاریشهیێن عێراقێ د دهستووری دا چارهسهری بۆ وان هاته نڤیسین، د دیتنا مه دا ئهڤ دهستووره دێ ئێته جێبهجێكرن و دێ ژ زۆربهیا ئاریشهیان ڕزگاربین، بهلێ ب مخابنی ڤه ئهڤ چهنده نههاته كرن، نهۆ ژی ئۆمێدا مه وهسایه پشتی ڤێ ههلبژارتنێ، دگهل هندهك لایهنێن دلسۆز رێكبكهڤین و عیراق نهرهحهتیێ رزگار بت، مه داخواز ژ كاندیدێن خۆ ژی كریه دڤێت نوونهرێ ههموو خهلكێ عیراقێ بن بێ جیاوازی.
د پشكهكا دى یا گۆتارا خۆ دا سهرۆك بارزانى بهحس ل ئاڤهدانییێ و خزمهتگۆزارییان و پێشكهفتنێن ههرێما كوردستانێ كر و دوپاتكر، پێدڤیه پشتا مه ب مه یا گهرم بت و ب تایبهت ژى گرنگیێ ب وارێن چاندن، گهشتگۆزار و پێشهسازییێ بدهین.
ههروهسا سهرۆك بارزانی داخواز ژ زهلامێن ئۆلی كر ژ ئالیێ خۆڤه ب ڕژدی خهلكێ ژ مهترسیێن مادێن هشبهر هشیار بكهن ژ روويێ ئاینی ڤه یا رێك پێدایی نینه و دهردهكێ مهزن یێ كۆمهلاتی یه.