ناڤەندا نووچەیان – سەما
ئیرۆ چارشەمبوویێ، 18ـی شوباتا 2026، سەرۆک بارزانی ب هەلکەفتا 73هەمین سالیادا دامەزراندنا ئکەتییا قوتابییان و لاوێن دیموکراتا کوردستانێ پەیامەکا پیرۆزباهییێ بەلاڤکر و تێدا ڕۆلێ دیرۆکی یێ ئەوان ڕێکخراوان د قۆناغێن جودایێن خەباتا ڕزگاریخوازیا گەلێ کوردستانێ دا بلند نرخاند.
سەرۆک بارزانی د پەیاما خۆ دا گەرمترین پیرۆزباهی ئاراستەی سکرتێر و ئەندامێن سکرتاریەت و سەرجەم قوتابییان و لاوێن کوردستانێ دکەت و هیڤییا سەرکەفتن و بەردەوامیدانێ بۆ ئەوان خواست.
دەقێ پەیاما سەرۆک بارزانی بۆ یادا 73هـەمین سالیادا دامەزراندنا ئێکەتییا قوتابییان و لاوێن دیموکراتا کوردستانێ:
ب ناڤێ خودێ یێ مهزن و دلۆڤان
ب هەلکەفتا 73 سالییا دامەزراندنا ئێكهتییا قوتابییان و لاوێن دیموکراتا کوردستانێ، گەرمترین پیرۆزباهییان ل سکرتێر، ئەندامێن سکرتارییەتێ، ههموو لاو و قوتابیێن خۆشتڤی یێن کوردستانێ دکەم و هیڤیبا سەرکەڤتن و بەردەوامییێ بۆ وان دخوازم.
ئێكهتییا قوتابییان و لاوێن دیموکراتا کوردستانێ د شۆرهشا ئەیلۆل، گولان و سهرهلدان و قۆناغێن دی دا، بوویە جهێ پەروەردەکرنا خەباتکار و نشتیمانپەروەر و کادرێن ب شیان، هەروەسا ڕۆلێ خۆ د پشتهڤانیكرنا پێشمەرگەی و خەباتا بزاڤا ڕزگاریخوازییا کوردستانێدا ب شایستە گێڕایە و قوربانی داینە.
كارێ ڕێکخراوا قوتابی و لاوان کو د هەموو ڕهوش و قۆناغاندا، شیایه پابەندی بهایێن بلند یێن ڕێبازا کوردایەتیێ بن، و ب ڕێیا بەلاڤکرنا هۆشیاریا نشتیمانی و باوەری بخۆبوونا نەتەوەیی د ناڤ جڤاکیدا، خزمەتا ئارمانجێن بلند یێن گەلێ کوردستانێ بکەن.
هەر سەرکەفتی بن و ب مینن د خێر و خۆشییێ دا.
مەسعود بارزانی
18-2-2026