ناڤهندا نووچهیان – سهما
ئیرۆ چارشهمبوويێ 18ـی شوباتا 2026، مهسرور بارزانى، مهسرور بارزانی، جێگرێ سهرۆكێ پارتی دیموكراتی كوردستان، ب ههلكهفتا سالڤهگهرا دامهزراندنا ئێكهتییا قوتابى و لاوێن دیموكراتا كوردستانێ، سهرهدانا مهكتهبا سكرتاريهتا ئێكهتیيێ كر و ژ ئالیێ سكرتێر و ئهندامێن مهكتهبا سكرتاریهتێ پێشوازی لێ هاته كرن.
جێگرێ سهرۆكێ پارتی د پهیڤهكێ دا ب ههلكهفتا 73 سالییا دامهزراندنا ڕێكخراوێ، پیرۆزباهییهكا گهرم ل سكرتێر و ئهندامێن مهكتهبا سكرتاریهتێ و ههموو ئهندامێن ئێكهتییا قوتابییان و لاوێن دیموكراتا كوردستانێ كر.
مهسرور بارزانی ئاماژه ب وێ چهندێ دا “ئهندامێن ئهڤێ ڕێكخراوێ، ههردهم سهلماندیینه كهرهستهیێ مهزن یێ پارتی نه و ڕێكخراوهكا تێكۆشهره، مهلبهندهك بوو بۆ پێگههاندنا پتريا سهركردهيێن پارتى و ڕۆلهكێ كارتێكهر ههبوویه د بزاڤا ڕزگاریخوازا گهلێ كوردستانێ و بهرهڤانيكرنا مافێن خهلكێ كوردستانێ دا”
هەروەسا جێگرێ سەرۆکێ پارتی گۆت ” هیڤیدارین د سهردهمێ نهۆ ژی دا، ئێكهتییا قوتابییان و لاوێن دیموكراتا كوردستانێ، ڕۆلهكێ كاريگهر ههبت د پێگههاندنا گهنجێن مه و پێشڤهبرنا هشیارییا نهتهوهیی و هزرا نيشتیمانپهروهریێ د ناڤبهرا لاوان و قوتابیێن كوردستانێ دا.”
