ناڤهندا نووچهیان – سهما
بنگههێ لالش ل دهۆكێ ڕۆژا جيهانى يا زمانێ دایكێ پيرۆز كر و دياركر، شانازييێ دكهين كو ههرێما كوردستانێ لاندكا فره ڕهنگی و پێكڤهژیانێ یه ل دهڤهرێ.
بنگههێ لالش ل دهۆكێ، ئيرۆ شهمبوويێ 21ـى شوباتا2026، د پهيامهكێ دا ڕۆژا جيهانى يا زمانێ دایكێ پيرۆز كر.
دەقێ پهياما بنگههێ لالش:
بناڤێ خودێ و مهزن دلۆڤان
ب ههلكهفتا ڕۆژا زمانێ دایكێ گهرمترین پیرۆزباهییان ئارستهی تهڤایا گهلێن جیهانێ و ب تایبهتی كوردستانییان ل ههر قولاچكهكا دنیایێ دكهین.
ئەگەر بۆ نەتەوە و مللەتێن دى زمان بتنێ بۆ ئاخفتنێ بت، زمان بۆ کوردان ب ناسنامە دهێتە هەلبژارتن، ژبهركو ب درێژاهییا دیرۆکێ کوردان شەڕ و قوربانیێن مهزن بۆ پاراستنا زمانێ كوردی کریە و ههروهسان ههر ژ بهر زمانێ خۆ دهربهدهر و ههتاكو جینۆساید بووینه.
ئهم شانازییێ ب ئهزموونا ههرێما كوردستانێ دكهین ژبهركو لاندكا فره رهنگی و پێكڤهژیانێ یه ل دهڤهرێ و ههموو نهژادێن ل كوردستانێ ب زمانێ خوه ناسنامه و داب و نهریتێن خوه د پارێزن، ههرێما كوردستانێ وهكو ههموو نموونهیێن دی یێن سهركهفتنێ د ڤی بیاڤی ژی دا نموونهیهكا بهرچاڤ یا سهركهفتی یه.