سەما
نڤیسەر و ڕەوشەنبیرەکێ ئێزدییان دخوازت پتر گرنگی و پشتەڤانییا بکارئینانا زمانێ دایک بێتە کرن و پارێزگارییێ ل سەر بکەین.
شەمۆ قاسم، نڤیسەر و ڕەوشەنبیرێ ئێزدی بۆ سەما دیارکر، بۆ پتر گرنگیدان ب زمانێ دایک پێدڤییە چالاکییێن ڕەوشەنبیری بێنە ڕێکخستن و هاندان و پشتەڤانییا بکارئینانا زمانی ل ژیانا ڕۆژانە دا بێتە کرن.
ناڤبری ئاماژە ب وێ چەندێ دا، ل سەر مە هەموویان یا فەرە کەلتوورێ خۆ یێ ڕەوشەنبیری بپارێزین و فرە ڕەنگییا زمانی و ڕەوشەنبیری بهێزتر بکەین.
رۆژا 21ی شوباتێ هەموو سالان ژلایێ ڕێکخراوا یونسکۆ وەکو ڕۆژا جیهانی یا زمانێ دایک هاتییە دیارکرن و ل سەرانسەری جیهانێ دئێتە ساخ کرن.
ئارمانج ژ ڤێ ڕۆژێ هشیارکرنا جڤاکی یە دەربارەی فرە زمانی و پاراستنا کەلتوورێن جودا.