ناڤهندا نووچهیان – سهما
وەزارەتا کهلتووری يا رووسیا باوهرنامهيا پاراستنا شوونوارێن کهلتوورى بهخشى ئەندازيارهكێ کورد.
د فەرمانهكا وەزاری دا، کو ئيمزايا جێگرێ وەزیرێ کهلتووری يێ رووسیا ل سەرە، باوهرنامهيا پاراستنا شوونوارێن کهلتوورى ب نیگارکێش و ئەندازیارێ کورد نوریک موسەیان بەخشى.
نوریک موسەیان ههتا نۆكه پێنج پێشانگههێن تاکەکەسی ل باژێڕێن جودايێن ڕووسیا ڤهكرينه. زێدهتر ژ ٥٠٠ بەرهەمان هەنە و ل پتريا پێشبڕکى و کۆنفرانسێن زانستی و کۆنگره و پێشبڕکييان دا پشكدار بوويه، کو تێدا خەڵات و پلەیا ئێكێ ب دەستڤهئينايه.
ماوەيێ چار سالانه ل پێ ئێك د پێشبڕکيا “تەلارسازی دیپلۆماسی” پشكدارى كرييه، هەر چار سالان پلەیا ئێكێ ب دەستڤهئينا و ژ لایێ وەزارەتا دەرڤهيا رووسیا ڤه هاته خەلاتكرن.
نوریک دخوازت پێشانگەههكا خۆ يا تایبەت ل هەولێر و سلێمانیێ و دهۆکێ ڤهکهت.
ئەڤ ئەندازیارێ کورد پلان هەیە ل ههرێما کوردستانێ د بوارێ تەلارسازی بهردهوامييێ ب کارێن خۆ بدهت.
نوریک موسەیان، ئەندازیار و شێوهكارهكێ کوردە و ل وهلاتێ ئەرمەنستانێ ژ دایکبوويە و نۆكه ل مۆسکۆیا پایتەختا رووسیا دژیت.
