ناڤهندا نووچهيان – سهما
ئيرۆ ل رێكهفتى 26ـى شوباتا 2026ێ، شاندهكى ئافرهتان ب سهرپهرشتييا ئهديبا سهيدۆ بهرپرسا ئێكهتيا ئافرهتێن شنگال و ڤيان ئهكرهم بهرپرسا ناڤهندا ئافرهتێن سێمێل و دهوروبهران، كو ب سهر ئێكهتیا ئافرهتێن كوردستانێ سهرهدانا بارهگههێ بنگههێ لالش ل دهۆكێ كرن.
شاند ژ ئاليێ بهرێزان سهعيد جردۆ سهرۆكێ بنگههێ لالش و جێگرێ وى د.سهعيد خديدا و ئهندامێن دهستهيا بلند ڤه ب گهرمى هاتنه پێشوازى كرن.
بنگههێ لالش ڕۆلێ وان د پێشخستنا ڕۆلێ وان ل دهڤهرێن ئێزدى نشين و ل كهمپان بلند نرخاند، دياركر: ب رێكا پرۆژه و خۆلێن جۆرا و جۆر كار بۆ ئاڤاكرنا شيانێن ئافرهتا ئێزدى د بياڤێن جودا جودا كرييه و ژوانژى پشكهكا پرۆژهيان تایبهت بووينه ب رزگاربوویێن ئێزدی.
ههروهسان چهندين بابهتين ديتر يێن گرێدايى مافێ ئافرهتێ گهنگهشهكرن.
شاندى ژى پشتهڤانى و ههڤكارييا بنگههێ لالش دگهل ئێكهتيێن ئافرهتان بلند نرخاند، و دووڤدا ههردوو ئالييان ژ پێخمهت درێژهپێدانا ئاڤاكرنا شيانێن ئافرهتا ئێزدی د ههر بوارهكی دا ههماههنگييا خوه بۆ سازيێن ههڤدو دوپاتكرن.