ناڤهندا نووچهيان – سهما
هێرشێن ئسرائیلێ بۆ سهر ئیرانێ دهستپێكرن
ئيرۆ ل رێكهفتى 28/2/2026ـێ، ئیسرائیلێ ب ههڤپشكى دگهل ئهمريكا هێرشێن ئاسمانی بۆ سەر ئیرانێ دەستپێکرن و دەنگێ پێنج پەقینان ل باژێرێ تەهرانێ هاتیە بهیستن.
ئیزرائیل کاتس، وەزیرێ بهرهڤانییا ئیسرائیلێ ب فەرمی ڕاگەهاند، هێرشێن پێشوەخت بۆ سەر ئیرانێ دەستپێکرینە و سبهيا ئيرۆ فڕۆکەیێن وان تههرانا پایتەختێ ئیرانێ و چەندین دەڤەرێن دى ئارمانج كرينه.
ل دووڤ زانیارییێن میدیایێن ئیرانێ، کو دەنگێ پهقینێن بهێز ل ناڤەندا تههرانێ دهێنە بهیستن، ل گۆرەی زانیارییێن میدیایێن ئیسرائیلێ، ب دههان پێگەهێن سەربازی یێن ئیرانێ بووینە ئارمانجا مووشەك و فڕۆکەیێن ئیسرائیلێ.
ل گۆرەیی میدیایێن ئسرائیلی و ئەمریکی:
ئسرائیلێ بنگەهێن مۆشەکی، فرۆکەخانەیا تەهرانێ و ئاڤاهییێ سەرۆکاتییا ئیرانێ کرینە ئارمانج.
عەلی خامنەیی ژ تەهرانێ بۆ جهەکێ ئارام هاتییە ڤەگوهاستن.
د هێرشا ل سەر ئاڤاهییێ سەرۆکاتییا ئیرانێ دا، بزاڤا کوشتنا پزشکیانی هاتییەکرن.
هێرش ب هەڤپشکییا ئەمریکا و ئسرائیلێ هاتییەکرن.
ئەمریکا بەرهەڤییان دکەت دربەکی ل ئیرانێ بدەت.
ل ئسیرائیلێ دەرگەهێن ناڤەندێن خواندنێ هاتینە گرتن و هەروەسان ل سەرانسەرى وەلتى زەنگا ئاگەهدارکرنێ هاتییە لێدان.