بەرنامەیێ “دیوان” یێ کەناڵێ سەما تیڤی، وەک ئێک ژ بەرنامەیێن هەرە سەرەکی و کاریگەر دهێتە ناسین، کو ب هووری تیشکێ دئیخیتە سەر ژین و ژیارا گوند و دەڤەرێن ئێزدییان.

ئەڤ بەرنامەیە ب پێشکێشکاریا “خالد شێخ خودێدا” و ب هەڤکاریا تیمەکا تەکنیکی، گوند ب گوند دگەڕێن دا کو جوانی و رەسەناتیا ژیانا گوندان نیشانی بینەران بدەن.

كارێن گوندییان ژ ئالیێ چاندن و خودانكرنا ته‌رش و ته‌والی دیاردكه‌ت و هه‌روه‌سان به‌حس ل نه‌ریتێن كه‌ڤن و ئاهه‌نگ و ستران و یارییێن كه‌ڤن و رێ و ره‌سمێن ئاینی دكه‌ت.

هه‌روه‌سان بەرنامەیێ دیوان،کاریگەرییەکا کۆمەڵایەتی ل سه‌ر جڤاكی هه‌یه‌، ژبه‌ركو خەلکێ باژێر و ناڤچەیێن جیاواز زێده‌تر ده‌رباره‌ی ژیانا گوندان ب ڕێكا ڤی بەرنامەیی دزانن، کەلتورێ ئێزدییان ژی ب شێوەیەکی باشتر نیشا خەلکێ ناڤخۆ و ژ دەرڤەی وه‌ڵات دهێـته‌ دان.

ئه‌ڤ به‌رنامه‌یه‌، بتنێ به‌رنامه‌یه‌كی ته‌له‌فزیۆنی نینه‌، بەلکو کاره‌كی گرنگە بۆ پاراستنا کەلتور، ناساندنا ژیانا گوندان، و ب هێزکرن و پاراستنا ناسناما جڤاكێ ئێزدی.

بینەرێن خۆشتڤی دكارن هەموو رۆژێن ئینیێ، ل دەمژمێر 8:00ـی ئێڤاری، بینەرێ ئەلقەیێن نووی یێن “دیوان” بن ل سەر شاشەیا سەما تیڤی، هەروەسا ل سەر کەنالێ فەرمی یێ یوتیۆب و پلاتفۆرمێن سۆشیال میدیایێ یێن کەنالی دهێتە پەخشکرن.

خه‌له‌كا سێیێ – گوندێ باجدا به‌رئاڤێ