ناڤهندا نووچهيان – سهما
بۆ جارا ئێكى يه کۆمەلگەهەکا کارگێری ب شێوهيهكى مۆدرێن و سهردهميانه ل ناحیهيا خانکێ دئێتە دورست كرن، پشكهكا زێده يا فەرمانگەهێن خزمەتگۆزاری د ڤى ئاڤاهى دا دێ ئێنه ڤهكرن.
ئهڤ پڕۆژهيه بۆ بتر پێشكێشكرنا خزمهتگۆزارييان، ئاسانكارى و ب ڕێڤهبرنا كاروبار و مامهلهيێن وهلاتييانه ل سنوورێ ناحيهيا خانكێ.
زهردهشت شێخ شامۆ، ڕێڤهبهرێ ناحيهيا خانكێ، ئيرۆ دوشهمبێ، 20ـى تهمموزا 2026، بۆ سهما ڕاگههاند: بترى ههيڤهكێ يه كار ل سهر دورستكرنا پرۆژێ ئاڤاهييێ ناحيهيا خانكێ هاتييه كرن، تێچۆيێ پرۆژهيى بتر ژ ئێك مليار دينارانه و ژلايێ كۆمپانيا ئهرز يا جێبهجێكار ڤه دئێته بجهئينان و ماوهيێ پرۆژهيى ههشت ههيڤن.
ڕێڤهبهرێ ناحيهيا خانكێ ئاماژه ب هندێ كر، پرۆژه نهخشهكى گهلهك ڕێكوپێك و شايسته و لايقى ناڤێ خانكێ هاتييه دانان، كو دو نهۆمه و ههموو فەرمانگەهێن خزمەتگۆزاری د ڤى ئاڤاهى دا دێ خزمهتا خهلكێ كهن و كارێن وان ب ڕێڤهبهن.
سهبارهت قۆناغێن كاركرنا پرۆژهيى زهردهشت شێخ شامۆ دبێژت: كار ل سهر پرۆژهيى بهردهوامه و د ماوهيێ دهستنيشانكرى دا دێ ب داوى ئێت و كهڤته د خزمهتا وهلاتييان دا.
دوپاتكر، سوپاسييا ئالييێن پهيوهنديدارو ب تايبهتى د. عهلى تهتهر، پارێزگارێ دهۆكێ دكهين كو پشتهڤانهكێ خهمخۆر و بهێز بوو بۆ تهمامكرنا ئهڤى پرۆژهيێ گرنگ بۆ دهڤهرێ.
رۆژ بۆ ڕۆژێ كاروانێ خزمهتێ و خزمهتگۆزارييێن حكومهتا ههرێما كوردستانێ ب تايبهت ژى يێن كابينهيا نههێ د ههموو بياڤ و سهكتهرێن ژيانێ دا دگههنه خهلكێ دهڤهرا خانكێ سهر ب پارێزگهها دهۆكێ ڤه.
د درێژاهييا پێنگاڤێن کابینهيا نەهێ یا حکومەتا هەرێما کوردستانێ بۆ کرنا باژێرێن هەرێما کوردستانێ بۆ ناحیه و قەزایان، ژ پێناڤى کارئاسانييێ بۆ کاروبارێن وهلاتیيان و شۆڕکرنا دەستههلان ل ھەرێما کوردستانێ، ل ڕۆژا دوشهمبێ 13ـی حوزەیرانا 2022، ب فەرمانا مەسرور بارزانی، سەرۆکێ حکومەتا ھەرێما کوردستانێ، (خانکێ) سەر ب قەزا سێمێلێ ل سنوورێ پارێزگهها دھۆکێ بوو ناحيه.
د كابینەیا نههێ دا، ڕێزدار (مەسرور بارزانی) سەرۆكی حكومەتا هەرێما كوردستانێ، ڕاگەهاند: سیاسەتا مە دێ وهسا بت، كو ب تنێ گرنگيێ ب سەنتەرێ باژێران نادهين، بەڵكو گرنگييهكا زێدهتر ب قەزا و ناحیە و گوندان دێ دەین.