ل باژێرێ بۆن؛ مەزنترین کەرنەڤالا نەورۆزێ ل سەر ئاستێ ئەورۆپا دهێتە سازکرن
ناڤهندا نووچهیان – سهما
بڕیارە ل باژێرێ بۆن ل وڵاتێ ئەڵمانیا، مەزنترین فێستیڤال و ئاهەنگا نەورۆزێ بڕێڤە بچت، چاڤەڕێ دهێتە کرن ب دەهان هزار کورد ژ سەرتاسەری وەلاتێن ئەورۆپا پشکداریێ د ڤێ بیرەوەریا نەتەوەیی دا بکەن.
ل دویف ئامادەکاریێن هاتینە کرن، دهێتە پێشبینیکردن کو ئەڤ ئاهەنگە ببیتە روودانهكا مێژوویی و مەزنترین کۆمبوونا نەورۆزێ یا ئەڤسالە ل ژ دهرڤهی وهلاتی.
کوردێن هەر چار پارچەیێن کوردستانێ ل ئەڵمانیا و وەڵاتێن دی یێن ئەورۆپی قەستا باژێرێ بۆن دکەن دا کو ب هەڤڕا ڤێ بۆنا نەتەوەیی پیرۆز بکەن.
ئێک ژ دیارترین و سەرنجراکێشترین بڕگەیێن ڤێ فێستیڤالێ، نیشاندانا ئاڵایەکێ مەزن یێ کوردستانێ یە کو درێژیا وی ١٠٠ مەترە، ئەڤ ئاڵایە ژ لایێ خودانکارەکا ئافرەتا کورد ڤە ب تایبەتی بۆ ڤێ کەرنەڤالێ هاتیە دروستکرن، کو دێ جوانیەکا تایبەت دەتە فێستیڤالێ.
بۆ گەرمکرنا سەقایێ ئاهەنگێ و پێشکێشکرنا ستران و بەرهەمێن نەتەوەیی، کۆمەکا هونەرمەندێن دیار یێن کورد دێ پشکداریێ کەن، ژ وان ژی هۆزان دینۆ و ئەیوب عەلی و نازدار و حەسەن شەریف و چەندین هونەرمەندێن دی یێن ناڤدار.
ئەڤ کەرنەڤالە نەک هەر وەک ئاهەنگەکا گێڕانێ، بەلکو وەک پەیامەکا ئێکگرتنێ و نیشاندانا کەلتوورێ کوردی ل ناڤ دڵێ ئەورۆپا دهێتە هەژمارتن.