ناڤهندا نووچهیان – سهما
وەزارەتا سامانێن سروشتی یا حکومەتا هەرێما کوردستانێ راگەهاند، ل سەر بریارا مەسرور بارزانی، سەرۆکێ حکومەتا هەرێما کوردستانێ و ب مەرەما روو ب رووبوونا بارودۆخێ نەئاسایی یێ وەلاتی، پرۆسەیا هنارتنا 250 هزار بەرمیلێن پەترۆلێ ب رەنگەکێ رۆژانە ب رێکا بۆریێن هەرێمێ بۆ بەندەرێ جەیهان یێ تورکیا دەستپێکر.
چوارشەمبی 18ی ئادارا 2026، وەزارەتا سامانێن سروشتی یا حکومەتا هەرێما کوردستانێ بەیاننامەیەک بەلاڤکر و تێدا هاتییە: ل سەر بریارا مەسرور بارزانی، سەرۆکێ حکومەتا هەرێما کوردستانێ و ژبەر چاڤگرتنا ڤی بارودۆخێ نەئاسایی یێ کو روو ب روویێ وەلاتی بووی، سپێدەهیا ئیڕۆ دەمژمێر 6:30ی سپێدێ، وەزارەتا سامانێن سروشتی ب هەماهەنگی دگەل وەزارەتا نەفتا فیدرال، دەست ب کارپێکرنا وێستگەها پەترۆلا سارالو ل کەرکووکێ کر.
ل دووڤ بەیاننامەیێ، ئەڤ پێنگاڤە ب مەرەما ڤەگوهاستنا 250 هزار بەرمیلێن پەترۆلێ یە ب رۆژانە بۆ وێستگەها فیشخابوور، داکو ب رێکا بۆریا پەترۆلا هەرێما کوردستانێ بۆ بەندەرێ جەیهان یێ تورکی ل سەر کەنارێن دەریایا ناڤەراست بهێتە رەوانەکرن.
ئەڤ بریارا سەرۆکوەزیران مەسرور بارزانی د چارچۆڤێ وان بزاڤان دایە بۆ رێکخستنا کەرتێ وزێ و پشتهەڤیکردنا ئابووری د ڤێ قۆناغا نەئاسایی دا کو هەمی دەڤەر و عیراق تێدا دەرباز دبیت.