ناڤه‌ندا نووچه‌یان – سه‌ما

د دەمەکێ دا کو پێلا زیرەکییا دەستکرد (AI) بەرەڤ هندێ دچت بگەهتە هەموو بیاڤێن ژیانێ، رێکخراوێن جیهانی د هه‌ڤركیه‌كا ب لەز دان بۆ گەشەپێدانا لۆگۆیەکێ کو جیهان وەک مۆرا “چێکریێ دەستێ مرۆڤی” بناست، ئەڤە ژی وەک کاردانەوەیەک دژی بەرفرهبوونا ب لەز یا تەکنەلۆژیایێ و بۆ پاراستنا بهایێ داهێنانا مرۆڤی دهێتە کرن.

ل ڤێ گاڤێ دروشمێن وەک “ب شانازی ڤە کارێ مرۆڤی یە”، “بێ بکارئینانا AI” یان “چێکریێ دەستێ مرۆڤی” ب رەنگەکێ بەرچاڤ ل سەر پۆستەرێن فلمان، کەمپەینێن ریکلامێ، پەرتووک و وێب سایتان دیار دبن. سەدەمێ ڤێ بزاڤێ ژی ڤەدگێرت بۆ وێ ترسا مەزن یێ کو ئۆتۆمەیشن و زیرەکییا دەستکرد خەریکە پیشە و کارێن مرۆڤی داگیر دکەن، ب تایبەت د بوارێن وەک مۆدێل، ریکلام، بەلاڤکرن، خزمەتگوزارییا کڕیاران و مۆسیقایێ دا.

تۆڕا نووچەیان یا BBC ئاشکرا کرییە، کو تا نوکە ب كێمی هەشت دەستپێشخەریێن جودا ل ئەمریکا، بەریتانیا و ئوسترالیا هەنە کو هەول ددەن لۆگۆیەکێ بۆ “کارێ مرۆڤی” چێکەن، ب وێ ئۆمێدێ کو هەمان ناڤوده‌نگ و باوه‌رییا جیهانی یا لۆگۆیێ “بازرگانییا دادپەروەرانە – Fair Trade” ب دەست ڤە بینت.