ناڤهندا نووچهیان – سهما
ئيرۆ ئێک شەمبوويێ، 8ـی ئادارا 2026، سەرۆك بارزانی پەیامەک دەربارەی هێرش و دەستدرێژیێن سەر هەرێما كوردستانێ بۆ ڕایا گشتی بهلاڤ كر.
ل دهستپێكا پەیاما خۆ دا، سەرۆک بارزانی ئاماژە ب وێ چهندێ کر، “ل درێژاهیا مێژوویێ گەلێ كوردستانێ چ جاران ل گەل شەڕی نەبوویە و هەردەم ئاشتی و پێكڤەژیان خواستيه” تهكهز كر ئەگەر شەڕ ژی ب سەر كوردستانێ دا هاتبتە سەپاندن، وی دەمی بەرەڤانی ژ خۆ و مافێن خۆ كریە. ئەڤە بنەمایەكێ نەگوهۆڕە و ژ باوەریەكا موكوم و فەرهەنگەكێ دەولەمەند یێ ئاشتیخوازی و پێكڤەژیانا گەلێ كوردستانێ ژێدەری وەردگرت.”
دەقێ پەیاما سەرۆک بارزانی بۆ ڕایا گشتی:
ب درێژاهییا مێژوویێ گەلێ كوردستانێ چ دەمان دگەل شەڕی نەبوویە و هەردەم خوازیارێ ئاشتی و پێكڤەژیانێ بوویە، ئەگەر شەڕ ژی ب سەردا هاتبت، بەرەڤانی ژ خۆ و مافێن خۆ كریە، ئەڤە بنەمایەكێ نەگۆرە و ژ باوەرییەكا موكۆم و فەرهەنگا دەولەتا ئاشتیخواز و پێكڤەژیانا گەلێ كوردستانێ ژێدەری وەردگرت.
مخابنییەكا مەزنە نوكە شەڕ و ئالۆزییێن مەزن ل دەڤەرا مە هەنە، نوكە و پێشتر هەردەم هیڤییا مە ئەوبوو كو هەموو ئاستەنگ و ئاریشە ب ڕێیا ئاشتییێ بهێنە چارەسەركرن، ژبەركو هەردەم شەڕ جهێ وێرانكرن و مالخرابكرنێ بوویە.
دڤی چارچووڤیدا جهێ حێبەتییەكا مەزنە هندەك گرۆپ و لایەن ل ژێر ناڤێ موقاومە و ب بهانە و دروشمێن بێ بنەما، ڕێ د دەنە خۆ هێرشی جهێن سڤیل و ژێرخانەیا ئابوورییا هەرێما كوردستانێ و بنگەهـ و بارەگایێن پێشمەرگەی بكەن، ئەڤە شەڕ فرۆتن و دەستدرێژییەكا ئاشكرایە بۆ سەر مافێن وەلاتییان و سەقامگيری و ئاسایيشا هەرێما كوردستانێ.
ل ڤێرێ دڤێت هەموو ئالييهك باش بزانن كو خۆئارامراگرتنێ ژی سنوور هەنە، پێشمەرگەی چ جاران زۆلم و زۆرداری ژ چ كەسان قەبوول نەكرییە، نابیت ئەڤ شەڕ فرۆتنە و تێكدانا سەقامگێرییا هەرێما كوردستانێ و ئاساشیا وەلاتییان ژلایێ ئەوان گرۆپانڤە یا بەردەوامبیت، بۆ ڤێ مەرەمێ داخوازێ ژ حكومەتێ و پەرلەمانێ عێراقێ و ئاليێن سیاسی ب تایبەتى چارچووڤێ هەماهەنگییێ دكەین، ب جددی بهێنە سەر هێل و سنوورەكی بۆ ئەڤان دەستدرێژییان بدانن، ژبەركو بەردەوامبوونا شەڕفرۆتنێ دێ دەرئەنجامێن خراب هەبن.
زێدەباری دەربڕینا هەڤخەمییێ بۆ خێزان و كەسوكارێن ئەوان ئەزیزێن ژ ئەنجامێ هێرشان شەهیدبووین، خەلكێ خۆشتڤییێ كوردستانێ پشتراست دكەین كو دێ ب هەموو هێزا خۆ د بەردەوامبین بۆ هندێ كوردستان ژ شەڕ و دەردەسەرییان دووربت، ئارامی و ئاسایيش و ژیانا خەلكی یا پاراستی بت و سەركەفتن بۆ هەر گەلێ كوردستانێ بت.
مەسعود بارزانی
8ی ئادارا 2026ێ
مەسعود بارزانی
8ی ئادارا 2026ێ