ل وەڵاتێ ئەلمانیا پەرتووکەکا نوو بۆ زارۆکێن ئێزدی ب ناڤێ “رۆناهیا خودێ” ژ نڤیسینا نڤیسەر “سفیان دلکانی” هاتە بەلاڤکرن.
ل دووف لێدوانا نڤیسەری، ئەڤ پەرتووکە ژ دەهـ پشكێن جودا پێکهاتییە و بۆ تەمەنێ د ناڤبەرا (٦ تا ١٤) سالیێ هاتییە ئامادەکرن.
پەرتووک باس ل “دەستپێکا ئافراندنێ” دکەت ب گۆرەی میتۆلۆژیا ئێزدیان و ب پشتبەستن ب ژێدەرێن ئایینی یێن رەسەن.
هەروەسا باس ل رێورەسمێن ئاینی، رۆلێ دایک و بابان، بەهایێن رێزگرتن و راستیێ دکەت، زێدەباری ڤێ چەندێ، گرنگیا پاراستنا ژینگههێ د چەمکێ ئاینێ ئێزدیان دا و بابەتێ هەڤژینیێ د ناڤ جڤاکێ ئێزدی دا هاتینە دیارکرن.
ئەڤ پەرتووکە ب شێوازەکێ کارلێکەر (تفاعلي) هاتییە دارشتن، ب شێوەیەکێ کو هەر بەشەک ب جهەکێ تەرخانکری بۆ پسیارەکا زارۆکی یان دەربڕینەکێ ب رێکا وێنەکێشانێ ب دوماهی دهێت.
پەرتووک ب چوار زمانان هاتییە نڤیسین، ئەوژی: (کوردی، عەرەبی، ئینگلیزی، و ئەڵمانی)، ل ڤی دەمی كۆپیێن کوردی و ئەڵمانی هاتینە چاپکرن.
بڕیارە ئەڤ پەرتووکە ل سەر رەوەندا ئێزدی ل ئەورۆپا، ئوسترالیا و ئەمریکا بهێتە بەلاڤکرن، و دێ ل قوتابخانا “کانیا سپی” ل ئەڵمانیا وەک پڕۆگرام دهێتە گۆتن.
دیسان دهێتە زانین کو ئەڤ پەرتووکە ب راوێژکاری دگەل ئۆلدارێن ئێزدی هاتییە چاپکرن، ژوانژی “مهروان بابێری”.
