ناڤهندا نووچهيان – سهما
باوهرییا خهلكى ب حكومهتێ بوویه كو بهردهوام بیت بۆ دهستهبهركرنا مافێن خهلكى و دهست ژ مافێن دهستوورى یین خهلكى بهرنهدهت و بهرنهدایه
مەسرور بارزانی، سهرۆكێ حكومهتا ههرێما كوردستانێ د كۆنگرهیهكێ رۆژنامهڤانى دا بهحسێ کێشەیێن مووچەیێ فەرمانبەرێن هەرێما کوردستانێ، پەیوەندیێن هەولێر و بەغدا، شەڕی ئيران و ئیسرائیلێ و ڕهوشا دهڤهرێ ب گشتی کر.
ئيڕۆ چارشهمبوويێ 25ـی حوزهيرانا 2025، حكومهتا ههرێما كوردستانێ ب سهرپهرشتییا مهسرور بارزانى، سهرۆكێ حكومهتا ههرێما كوردستانێ و ب ئامادهبوونا جێگرێ سهرۆكوهزیران قوباد تالهبانى كۆمبوو، سهرۆكێ حكومهتێ پشتى كۆمبوونێ ناڤهڕۆكا كۆمبوونێ د كۆنگرهیهكێ رۆژنامهڤانى دا راگههاند.
سەرۆکی حکومەتا هەرێما کوردستانێ، پشتى تەمامبوونا کۆمبوونا جڤاتا وەزیران؛ كۆنگرهیهكێ رۆژنامهڤانى دا گۆت: “د ماوێ دوو ههيڤێن بورى دا مووچەیێ مووچەخۆرێن هەرێما کوردستانێ ب شێوەیەکی نهیاسایی نەهاتنه دان و ئەڤە کارهکێ نادەستوورییە و فهر بوو مووچەیێ فەرمانبەرێن هەرێما کوردستانێ تێکەڵی چ کێشەيێن سیاسی نەکهن.
مەسرور بارزانی، تهكهز ل وێ چهندێ كر، ئەم ب چ ڕەنگان دەستبەرداری مافێن دەستووری یێن هەرێما كوردستانێ نابین و دێ بەردەوام بین. د ماوێ بورى دا، و رۆژانه حكومهتا ههریمێ د پهیوهندیان دا بوویه ل گهل بهغدا بۆ چارهكرنا كێشهیان. دوهى ژى ل گەڵ سەرۆکێ جڤاتا دادوەری و ل گەڵ سەرۆکێ جڤاتا وەزیران ژى ئاخفتيمه کو چارەسەریێ بۆ ڤێ قەیرانێ ببينن. ئەوانژى ب خۆشحاڵی ڤه ڕاگەهاند، ئامادەنه ل ڤان دوو ڕۆژان شاندهکى بۆ چارەسەرکرنا پرسا مووچەيى بهنێرن.
سهرۆكێ حكومهتا ههرێما كوردستانێ ئاشكراكر: ژبهر ڕاگرتنا ههناردهكرنا نهفتا ههرێما كوردستانێ، ب گۆژمێ زێدهتر ژ 25 ملیار دۆلاران زیان ب ئابووریێ عیراق و ههرێما كوردستانێ كهفتیه و ههتا نهۆ حكومهتا فیدراڵ زیانێن خهلكێ ههرێما كوردستانێ قهرهبوو نهكرینه.
سهبارهت ب بریارێن دادگهها فیدرالی ل سهر پرسا مووچهیێ فهرمانبهرێن ههرێما كوردستانێ مهسرور بارزانی ڕاگههاند: مه چاڤهرێ دكر بریارهك ژ لایێ دادگهها فیدراڵی یا عیراقێ د بهرژهوهندیا مووچهخۆران دا دهربكهڤت، بهڵێ نوكه دادگههـ ههلوهشیایه، نهۆ چاڤێ مه ل جڤاتا باڵا دادوهرييا عیراقێ یه بۆ وێ چهندێ كێشهیا مووچهی چارهسهر بكهن.
گۆتژی: دهرگههێ دانوستاندنێ دگهڵ بهغدایێ دانائێخین و ئهو شاندێ كو بریاره بۆ چارهسهركرنا پرسا مووچهیێ فهرمانبهرێن ههرێما كوردستانێ بێنه ههولێرێ، د ئاستهكێ بڵندايه و ب تنێ شاندهكێ تهكنیكی نابت، بهڵكو سۆز یا ب مهدایی كێشهیا مووچهيی چارهسهربكهن و بكارن بریارێ بدهن، ئاماژه ب وێ چهندێ دا، ئهگهر دگهل حكومهتا فیدراڵ نهگههشتینه ڕێكهفتنێ ل دۆر مووچهيی، ب داهاتێ ناڤخۆ و كێمكرنا مهزاختیان یان ب ههر جۆرهكێ دی بت، ئهوا د شیانێن مه دا ههی بۆ ماف و شایستهیێن دارایی یێن خهلكێ ههرێما كوردستانێ دابین بكهین.
سهرۆكێ حكومهتا ههرێما كوردستانێ، مهسرور بارزانی ل دۆر شهڕێ 12 ڕۆژی یێ ئیسرائیل و ئیرانێ، گۆت: مهترسی ههبوو بهربهڵاڤ بت و ههموو دهڤهرێ ڤهگرت، بهلێ دووڤدا مه دیت ب پشكداریا ئهمریكا و دهستپێشخهریا سهرۆك ترهمپ، ئاگربهست هاته ڕاگههاندن و شهر هاته ڕاگرتن، ئهڤه د بهرژهوهندیا ههموو دهڤهرێ دابوو و هیڤیدارین ببته ڤهگهڕاندنا ئاشتی و ئارامیێ بۆ ههموو دهڤهرێ، وهكو ههرێما كوردستانێ مه ههموو ههول دان دووربین ژ ڤی شهڕی و مه خۆ تێكهل نهكر، ههروهسا سوپاسیا وهزیرێ دهرڤه یێ عیراقێ دكهم ژبهركو رۆلهكێ كارتێكهر ههبوو د گۆڕهپانا دبلۆماسی دا بۆ دوورخستنا عیراقێ ژ شهڕان.
سەرۆکێ حکومەتا هەرێما کوردستانێ گۆتژى: “هیڤيدارين كو شەڕ بەرەف داويێ بچت و دانوستاندن ببته جهێ شەڕى و پێکدادانێ و دهڤهرا مە ل جهێ شەڕان؛ بەرەف ئاشتی و ڤهژاندنا ئابووریێ پينگاڤان پاڤێژت.
