ناڤه‌ندا نووچه‌یان – سه‌ما
مەکتەبا سیاسی يا پارتی دووپاتكر، هەتا بەری جەژنا قوربانێ وەزارەتا داراییا عيراقێ شایستەيێن دارایى یێن هەرێما کوردستانێ نەهنێرت، دێ مە هەلویستەكێ جدی هەبت.
ل ڕۆژا پێنج شەمبوويێ، 29ـی گوڵانا 2025، مەکتەبا سیاسی يا پارتی دیموکراتی کوردستان ڕاگەهاندنه‌ك دەربارەی نڤيسارا دوهى يا چارشەمبوويێ ، 28-05-2025ـی يا وەزارەتا دارایی يا فیدراڵ ده‌ربارەی نەهنارتنا مووچەیێ فەرمانبەرێن هەرێما کوردستانێ به‌ڵاڤكر.
د ڕاگەهاندنێ دا هاتيە “ڕایا گشتی يا عيراقێ و هەرێما کوردستانێ ئاگه‌هدار دکەین کو حکومەتا فیدراڵ بەردەوامە ل سه‌ر بنپێكرنا مافێن دەستووری يێن هەرێما کوردستانێ، داوى بنپێكارى ژى نڤيسارا دوهى يا وەزارەتا داراییە کو دژی دەستوور و بنەمايێن ڕێککەفتنا پێکئيننا حکومەتێ يه ، و ب سیاسیکرنا قوتێ خەڵکێ يه.”
ئه‌ڤه د ده‌مه‌كیدایه، ته‌یف سامی، وه‌زاره‌تا دارایی یا عیراقێ، ب نڤیساره‌كا فه‌رمی حكومه‌تا هه‌رێما كوردستانێ ئاگه‌هدار كریه كو ئێدى نكارن ل سه‌ر هنارتنا دراڤێ مووچه‌ی به‌رده‌وام بن، ب به‌هانه‌يا وێ چه‌ندێ كو گۆژمێ پشكا دیاركریا خۆ د یاسایا بودجه‌ی دا ده‌ربازكریه و ئه‌ڤ چه‌نده گرێدایه ب پابه‌ندبوونا ب بریارا دادگه‌ها فيدراڵى و یاسایا بوودجه‌یا گشتی و دبێژت: “19.2 تريليۆن دینارێن داهاتێ نه‌فتی و نانه‌فتی راده‌ست نه‌كرینه. “