ناڤه‌ندا نووچه‌يان – سه‌ما
دوشه‌مبێ، 5ـی ئوكتۆبه‌را 2026، مەکتەبا ڕێکخستنا پارتی دیموکراتی کوردستان ل بەهدینان د په‌یامه‌كێ دا ب هه‌لكه‌فتا جه‌ژنا جه‌مایێ، په‌یامه‌كا پیرۆزباهييێ ڕابه‌رى ئێزدییان كر و ڕاگه‌هاند، ئێزدی پشکەکا گرنگ و بنەڕەتییە ژ کۆمەلگەھا کوردستانێ و خودان ديرۆكه‌كا دێرینن.
ده‌قێ په‌يامێ:
ب هەلکەفتا جەژنا جەمایێ، ئەم بناڤێ مەکتەبا ڕێکخستنا پارتی دیموکراتی کوردستان ل بەهدینان، گەرمترین پیرۆزباھیێن خۆ ئاراستەی خویشک و برایێن خۆ یێن ئێزدی دکەین، هیڤیخوازین ئەڤ جەژنە بۆ ئێزدیێن کوردستانێ و ھەمی جیھانێ، جەژنەکا پڕ بیت ژ خۆشی، شادی و ئارامی.
ئێزدی پشکەکا گرنگ و بنەڕەتییە ژ کۆمەلگەھا کوردستانێ و خودان مێژوویەکا دێرین، کەلتوورەکێ دەولەمەند و میراتەکا تایبەت و مەزنن.
ئەم ب ڕێز و پێزانین ڤە، ڕۆلێ وان د پاراستنا کەلتوور و دەولەمەندیا کۆمەڵگەھا کوردستانێ دا بلند د نرخینین و پشتەڤانیا خۆ بۆ پاراستنا ماف، ناسنامە و ئازادیێن وان، د چارچوڤێ پێکەڤەژیانەکا ئاشتیانە و هەڤپشکیەکا ھەڤسەنگ، دناڤبەرا هەمی پێکهاتێن کوردستانێ دا، دووبارە دکەین.
جارەکا دی جەژنا جەمایێ ل خەلکێ کوردستانێ، ب گشتی و ل خوشک و برایێن ئێزدی ب تایبەتی، پیرۆزبیت و کوردستان ھەرا ئارام و ئاڤەدانبیت.
مەکتەبا ڕێکخستنا پارتی دیموکراتی کوردستان ل بەهدینان
6/10/2026