ناڤهندا نووچهیان – سهما
پتر ژ 365 ملیار دینارێن دی وەک مووچەیێ مەها دوو (شوباتێ) كهفتنه سەر هژمارا وەزارەتا دارایی یا حکومەتا هەرێما کوردستانێ.
ب ڤێ چەندێ ژی، کۆیێ گشتی یێ وی پارەیێ تا نوکە بۆ مووچەیێ مەها شوباتێ هاتیە مەزاختن، گەهشتە 639 ملیار دیناران. چاڤەڕێ دهێتە کرن پشکەکا دی یا پارەی ژی وەک تەمامکەرا کۆژمێ مووچەی بهێتە ڕەوانەکرن.
رۆژا چارشەمبی 04-03-2026، کۆژمێ 120 ملیار دیناران وەک داهاتێ نانهفتی كهفتنه سەر هەژمارا وەزارەتا دارایی یا عێراقێ ل تایێ هەولێرێ یێ بانکا ناڤەندی یا عێراقێ.
رۆژا پێنجشەمبوویێ 05-03-2026، وەزارەتا دارایی و ئابووری یا هەرێما کوردستانێ ڕاگەهاند: “بهغدایێ گۆژمێ 274 ملیار و 962 ملیۆن دینار ب چار گوژمە وەک پشکەک ژ تەمویلا مووچەیێ مەها شوباتێ یێ مووچەخۆرێن هەرێما کوردستانێ، کو پێکدهێت ژ مووچەیێ خانەنشینان، سوودمەندێن چاڤدێریا کۆمەڵایەتی، فەرمانبەرێن گرێبەست و مینحەیا زیندانیێن سیاسی، كهفتنه سەر هژمارا بانکی یا وەزارەتا دارایی ل تایێ هەولێرێ یێ بانکا ناڤەندی.”
وەزارەتا دارایی د وی ڕاگەهاندنێ دا ئاماژە ب وێ چەندێ ژی کربوو، کو رۆژا یەکشەمبی 08-03-2026 دگەل گەهشتنا تەمامیا پارەی و وەرگرتنا وی ژ لایێ بانکا ناڤەندی ڤە، سیستەمێ مووچەیێ مەها شوباتێ دێ هێتە ڕاگەهاندن و دەست ب دابەشکرنا مووچەی دهێتە کرن.