ناڤهندا نووچهیان – سهما
لگەل دەستپێکرنا شەڕێ ئیسرائیل و ئەمریکا بۆ سەر ئیرانێ و بەرسڤدانا ئیرانێ بۆ هێرشان، پڕانیا کۆمپانیێن مەزن یێن جیهانێ گەشتێن خۆ بۆ وەلاتێن دەڤەرێ هەلوەشاندن. ل دویڤ دووڤچوونەکێ ژی نێزیکى 11 هزار گەشت هاتینە هەلوەشاندن.
ژ دەستپێکا شەڕی وەرە، هەرئێک ژ ئیران و ئیسرائیل ئەسمانێ وەلاتێن خۆ ب روویێ تەڤ گەشتەکێ دا گرتن، پاشان عیراقێ ژی تەڤاییل گەشتێن خۆ هەلوەشاندن و ئاسمانێ وەلاتێ خۆ گرت.
ژ لایەکێ دی ڤە، هێلا ئەسمانی یا قەتەری گەشتێن خۆ هەلوەشاندن و راگەهاند: ژبەر گرتنا ئەسمانێ قەتەر، هەلوەشاندنا گەشتێن وان دێ بەردەوام بیت. هێلا قەتەری هێشتا ژڤانێ دەستپێکرنا گەشتێن خۆ دیار نەکریە و گرێدایە ب راگەهاندنا ڕەسمی یا دەستهەلاتا فڕۆکەڤانیا سڤیل یا وی وەلاتی ڤە ، و داخوازێ ژ گەشتیاران دکەت ب رێکا ئەپلیکەیشنان زانیاریان وەربگرن.
هەڤدەم، هێلا ئاسمانی یا فەرەنسی “ئێر فرانس” راگەهاند: هەلوەشاندنا گەشتێن خۆ بۆ باژارێن تەل ئەبیب، بەیرووت، دوبەی و ریاز هەتا 5ى ئادارێ دێ درێژ کەت، سەدەمێ ئەڤێ بڕیارێ ژی بۆ بەردەوامیا ئالۆزیێن دەڤەرێ ڤەگەڕاند.
ژ لایەکێ دی ڤە ، هێلێن ئاسمانی یێن نشتیمانی یێن ئیمارات، کو فڕۆکەڤانیا ئیمارات و فلای دوبەی ب خۆڤە دگریت، بۆ روژا سێیێ یە گەشتێن خۆ هەلوەشاندینە. ب ئاوایەکی کو فڕۆکەڤانیا ئیمارات هەلوەشاندن هەتا سێشەمبی 3ى ئادارێ درێژ کریە، لێ فلای دوبەی خشتێ گەشتێن خۆ ل دویڤ گوهۆڕینان رێکدئێخیت و هێشتا چو ژڤانەک بۆ دەستپێکرنا گەشتان دیار نەکریە.
تورکیا ژی ژ لایێ خۆ ڤە، هەمی گەشتێن ئاسمانی بۆ ئیران، عیراق، ئوردن، سوریا و لوبنانێ هەتا روژا ئەینیێ هەلوەشاندن.
هەروەسا بڕیار دا تەڤاییا گەشتێن روژا سێشەمبی بۆ قەتەر، کوێت، بەحرەین و ئیماراتێ ژی بهەلوەشینیت.
د هەمان دەم دا، کۆمپانیا “عال” یا ئیسرائیلی راگەهاند: هەمی فڕۆکەیێن خۆ ژ ناڤ ئاخا ئیسرائیل ڤەگوهاستینە، لگەل گرتنا ئاسمانێ ئیسرائیل ب تەمامی ب روویێ فڕۆکەیێن سڤیل دا.
ل دویڤ راپۆرتەکا رۆژنامەیا “وۆل ستریت جورنال”، پتر ژ 11 هزار گەشتێن ئاسمانی ژبەر هەڤرکی و ش