ناڤهندا نووچهیان – سهما
بنگههێ لالش ل دهۆكێ ب ههلكهفتا دهربازبوونا 35 سالان ب سهر سهرهلدانا باشوورێ كوردستانێ یا سالا 1991ـێ پهیامهك بهلاڤ كر و ڕادگههينت، پێدڤییه ب ههمان گیانێ ئێكرێزیێ و ئێكدهنگییا سهرهلدانێ بهرهڤانیيێ ژ دهستكهفتێن نيشیتمانی بكهين.
د پهياما بنگههێ لالش دا هاتييه:
بەری 35 سالان خەڵکێ شەرەفمەندێ کوردستانێ دژی زوڵم و زۆرداریێ سەرهلدا، ئهوژی ژ پێناڤ ئازادیێ و دادپەروەری و ئاشتیێ هەموو پارت وهێزێن کوردستانی یەکگرت و کەلەها دکتاتۆریەتێ ل پرانیا دەڤەرێت کوردستانی هەلوەشاندن.
ئهم گهرمترین پیرۆزباهییان ئارستهی تهڤایا گهلێ كوردستانێ و پێكهاته و پێشمهرگههێن قههرهمان و كهسوكارێن شههیدان دكهین.
سهرهلدانا مهزن یا 1991ـێ وهرچهرخانهكا دیرۆكی یا بزاڤا ڕزگاریخوازا خهلكێ كوردستانێ بوو دژى ستهم و زۆردارییا داگیركهران.
د سهرهلدانێ دا، جیهان ل پهیاما گهلێ كورد گههشت كو ب ههموو پێكهاتێن خۆڤه گههشت كو ژێردهستیێ رهتدكهن و بهردهوام خهباتێ بۆ مافێن خۆ دكهن.
پر ب شاناژیڤه پێشڤهچۆنێن دۆزا ڕهوایا كوردستانێ و پێگههێ ههرێما كوردستانێ دناڤ كۆمهلگهها نێڤدهولهتی دا بهرههمێن سهرهلدانا مهزنا سالا 1991ێ بوویه، لهوران پێتڤییه ب ههمان گیانێ ئێكرێزیێ و ئێكدهنگییا سهرهلدانێ بهرهڤانیێ ژ دهستكهفتێن نيشیتمانی بكهين، ههروهسان بلا بیرئانینا ڤێ سەرهلدانا پیرۆز دیسان ببیە هێڤینێ خورتکرنا تفاق وتەبایێ و رێکخستنا ناڤ مالا کوردستانی.
دوباره سالڤهگهرا 35ـێ یا سهرهلدانا پیرۆز یا گهلێ كورد ل تهڤایا كوردستانییان پیرۆزدكهین.
دهستهیا بلندا بنگههێ لالش/دهۆك
5ـی ئادارا 2026