سەرۆک بارزانى: تاوانبار ژناڤچۆن و ئیرادەیا گەلێ کوردستانێ بسەرکەڤت

ناڤەندا نووچەیان – سەما

سەرۆک بارزانی ل ساڵڤەگەڕا 38ێ يا ئەنفالێن به‌هدينان دا، ڕادگەهینت، د بەردەوامییا زنجیره‌ تاوانێن ڕژێما بەرێ يا عێراقێ دا، د ماوه‌يێ 25ى ته‌باخێ بۆ 6ی ئەیلولا 1988 دا، هەوه‌كا نه‌مرۆڤانە و دڕندانە دژی گوند و ده‌ڤه‌رێن به‌هدینان هاتە ئه‌نجامدان، کو تێدا ب هەزاران وه‌لاتی هاتنه‌ کۆمکوژ و بێسەروشوون کرن و ب سەدان گوند ژی وێران بوون، ته‌كه‌ز ژى كر کو ئەرکێ سەر ملێ دەولەتا عێراقێ یە قەرەبوویا وان تاوان و پێشێلکارییان بکەت.

دەقێ پەیاما سەرۆک بارزانی د يادا ئەنفالێن به‌هدينان دا:

ب ناڤێ خودێ مەزن و دلۆڤان

ب درێژاهیا زنجیرا تاوانێن ڕژێما پێشتر یا عێراقێ ل سەدێ بیستێ، ل 25 و تەباخا 1988 هەتا شەشی ئیلونا 1988 ێ، ڕژێما عێراقێ هەوەكا نەمرۆڤانە ل بەشەكێ زۆر یێ دەڤەر و گوندێن دەڤەرا سەربلندت بادینان بڕێڤە بر، ل وێ پیلانێ دا تاوانا كیمیابارانكرن و گرتن و كوشتن و ڤەگوهاستنا زۆرەملی و ئەنفالا وەلاتییێن بێ تاوان ژ لایێ هێزێن ڕژێما وی دەمی یا عێراقێ هاتە بجهئینان، د ئەنجامێ ئەوێ تاوانا نەمرۆڤانە ب هزاران وەلاتییێن كوردستانێ هاتنە كۆمەلكوژ كرن و بێ سەروشوین و ئاوارە كرن و ب سەدان گوند ژی هاتنە كاڤلكرن و وێران بوون.

ئارمانجا سەرەكییا ڕژێمێ ژ ڤێ تاوانا مەزن گوهۆرینا دیموگرافیا كوردستانێ و بجهئینانا سیاسەتا زەڤییێن سووتی و شكاندنا ئیرادا گەلێ كوردستانێ بوو، بەلێ ئیرادا پیلایی یا گەلێ كوردستانێ بۆ مان و ئازادیخوازییێ سەركەفت و ئەو دوژمن و تاوانبار ژناڤچوون و بوونە پەندێن ڕۆژگارێ.

ل بیرەوەریا 38 سالیا تاوانێن ئەنفالا بادینان، ب هزاران سلاڤان بۆ گیانێ پاقژێ شەهیدێن ئەنفالا بادینان و گەرمیان و بارزان و هەموو شەهیدێن ڕێیا ئازادیا كوردستانێ دهنێرین، ل ڤێ بیرەوەریا دلتەزین دا ڕادگەهینین” ئەركێ سەر ملێن دەولەتا عێراقێیە كو قەرەبوویا وان هەموو تاوان و بنپێكاریان بكەت” یێن كو ل دژی گەلێ كوردستانێ هاتینە ئەنجام دان.

مسعود بارزانی

25ی ئابا 2026