ناڤهندا نووچهیان – سهما
وەزارەتا سامانێن سروشتی يا هەرێما کوردستانێ راگەهاند، ب مەرەما کۆنترۆلکرنا بهایێ غازا مالان، ژ ئيرۆ 11ی ئادارا 2026، وهكو پێنگاڤا ئێكێ ل پارێزگەها هەولێرێ، ڕێڤهبهريا نهفت و كانزايان دەست ب دابهشكرنا غازێ بۆ مالان ب رێيا کارتا ئەلکترۆنی کر.
د ڕاگههاندنا وەزارەتا سامانێن سروشتی دا هاتييە ” ژ ئيڕۆ چارشەمبوويێ 11ی ئادارا 2026، دەست ب دابەشکرنا غازا مالان دێ ئێته كرن و پرۆسە دێ 30 رۆژان یا بەردەوام بیت و هەر وەلاتییەک دكارت ب ڕێيا سیستەمێ کارتا ئەلکترۆنی 2 قنینەیێن غازێ ب بهایێ فەرمی 8,500 دیناران ب ڕێيا بريكارێن گهڕۆك وهربگرت.”
هەروەها ئاماژە ب وێ چهندێ دا، د ڕۆژێن بێت دا ل ڕێڤەبەرییێن نەفت و کانزا یێن پارێزگەهێن دی ژی دێ سیستەم و ڕێيێن گونجایی گرنە بەر.