سه‌ما
پرۆژه‌كێ دى يێ نووژه‌نكرنا په‌رستگه‌ها لالش بۆ حكومه‌تا هه‌رێما كوردستانێ و عيراقێ هاته بلندكرن.
ئه‌ندازيار خێرى گدى، ئێك ژ سه‌رپه‌رشتێن نووژه‌نكرنا په‌رستگه‌ها لالش بۆ سه‌ما گۆت: ل ده‌مێ جه‌ژن و هه‌لكه‌فتان رێژه‌يه‌كا زۆر يا زياره‌تكاران سه‌ره‌دانا لالش دكه‌ن و قه‌ره‌بالغيه‌كا مه‌زن په‌يدا دبت، مه داخوازكريه چه‌ند پرۆژه‌يێن خزمه‌تگۆزارى مينا ئاڤ و كاره‌ب و سۆلينا ل په‌رستگه‌هێ بێنه ئه‌نجامدان.
خێرى گدى ئاماژه ب وێ چه‌ندێ دا هێشتا 21 مه‌زارگه‌هێن دى ل په‌رستگه‌ها لالش ماينه كو بێنه نووژه‌نكرن.
گۆتژى: ئه‌ڤ پرۆژه‌نه بۆ حكومه‌تا هه‌رێما كوردستانێ و عيراقێ هاتينه بلندكرن، كو ل داهاتى كار ل سه‌ر ئه‌نجامدانا ئه‌وان بێته كرن.
لالش، پیرۆزترین جهێ ئێزدییانه ل جیهانێ، چه‌ندین جه‌ژن و هه‌لكه‌فتێن ئایینی ل وێرێ تێنه کرن و ناڤه‌نده‌کا گرنگ یا چاندا ئێزدیانه.