ناڤهندا نووچهیان – سهما
ئيڕۆ سێ شهمبوويێ 17ـى ئادارا 2026، عهبدولقادر دهخيل، پارێزگارێ نەینەوا پێشوازی ل خالد سهيدۆ عزێر، نوونهرێ كۆتايا ئێزدييان ل پەرلەمانێ عێراقێ كر و چهند پرسێن گرنگ يێن گرێدايى ب شنگالێ ڤه بهحس كرن.
ب گۆڕهيى ڕاگههاندنا پارێزگهها نهينهوا، د ديدارێ دا كو پهرلهمانتار بسمان سمۆ نافخۆش و محەمەد جاسم ئەلکاکەیی، ئەندامێ جڤاتا پارێزگەهێ د بهرههڤبوون، چەندین تەوەرێن گرنگ یێن ڕەوشا گشتی یا پارێزگەهێ و پلانێن حکومەتا خوهجهى بۆ ئاڤەدانکرنا قەزا شنگالێ و دابینکرنا خزمەتگۆزاریێن سەرەکی و ئامادەکرنا ژینگەههكا گونجای بۆ ڤەگەراندنا ئاوارەیێن ئێزدی بۆ سەر مال و ملکێن وان هاتنه گهنگهشهكرن.
پارێزگارێ نەینەوا دوپاتى ل سەر ڕژديا حکومەتێ کر بۆ بهێزکرنا سەقامگیریا شنگالێ و بلەزکرنا پرۆسەیا ئاڤەدانکرنێ و دابینکرنا خزمەتگۆزاریيان.