ناڤەندا نووچەیان – سەما
میرێ ئێزدییان د پەیامەکێ دا، جەژنا رەمەزانێ یا پیرۆز ل موسلمانێن کوردستان، عێراقێ و جیهانێ پیرۆزکر.
ئیرۆ پێنج شەمبوویێ، 19ی ئادارا 2026، حازم تەحسین بەگ، میرێ ئێزدییان ل کوردستان، عێراقێ و جیهانێ، ب هەلکەفتا هاتنا جەژنا رەمەزانێ، پەیامەکا پیرۆزباهییێ بەلاڤ کر.
دەقێ پەیاما میرێ ئێزدییان:
هاتنا جەژنا رەمەزانێ یا پیرۆز دەلیڤەیەکا باشە بۆ بهێزکرنا بهایێن ئاشتی، پێکڤەژیانێ، لێبۆرینێ و حەزژێکرنێ د ناڤبەرا هەموویان دا.
هیڤیخوازین ئەڤ جەژنە یا خێر و خۆشی و بەرەکەتێ بت بۆ هەموویان و ئاشتی و ئارامی بەرقەرار بت و شەڕ ب داوی بێن و جیهان ئاشتییێ ب خۆڤە بینت.
هەروەسا دخوازین ئیرادا ئاشتییێ و زمانێ دانوستاندنێ ب سەر کەرب و کین و تۆلڤەکرنێ دا سەرکەفتی بت.
دوبارە جەژنا وە پیرۆز بت.