ناڤهندا نووچهیان – سهما
ئيرۆ دووشهمبوويێ، 16ـی ئاداری 2026، مەسرور بارزانی، سەرۆکێ حکومەتا هەرێما کوردستانێ، ل 38هەمین سالیادا کیمیابارانا هەلەبچەدا پەیامهك بهلاڤ كر و تێدا تهكهز كر، پێویستە حکومەتا فیدڕال بەرپرساتيیا خۆ یا یاسایی و دەستووری بجهبينت و کەسوکارێن قوربانیيان قەرەبوو بکهت، ههڤدهم داخواز کر دەستکەفتێن هەرێما کوردستانێ کو بەرهەمێ خوونا شەهیدانه بپارێزين.
دەقێ پەیاما سەرۆکێ حکومەتێ؛
د(٣٨)ـەمین ساڵڤەگەرا کیمیاباران و کۆمكوژیيا باژارێ هەلەبجەدا، ب ڕێز و شکۆڤە یادا ئەوێ کارەساتا مەزن دکەین کو بەرانبەر خەلکێ کوردستانێ هاتە ئەنجامدام و ئارمانج ژێ قڕکرن و جینۆسایدا گەلێ کوردستانێ بوو.
کیمیابارانا هەلەبجە هەموو دەما برینەکا کوورە د مێژوویا مە دا و هێمایێ دیار و ڕوونێ ئەوێ ستەمکاری و زۆرداریێ یە کو دژی خەلکێ کوردستانێ هاتە ئەنجامدان.
نابت ئەڤ تاوانا هۆڤانە، چ جاران ژ بیر و بیردانکا خەلکێ کوردستانێ و مرۆڤایەتیێ بچت و پێدڤیە خەلکێ کوردستانێ، ژ بیرا وان نەچت کو ئەڤ دەستکەفتێن ئيرۆ ل هەرێما کوردستانێ ب دەستڤە هاتین، بەرهەمێ خوونا شەهیدێن سەربلندێن کوردستانێ یە و پێدڤیە ب هەموو ڕەنگەکێ پارێزگاریيێ ژێ بکەین.
د ئەڤێ یادا خەمگین دا، جارەکا دی ژی ل بیرا حکومەتا فیدڕال دئینین، کو پێدڤیە د ئاست بەرپرساتیا خۆ یا یاسایی و دەستووری دا بت و ب شێوەک ژ هەژی، بنەمال و کەسوکارێن شەهیدێن هەلەبجە و ئەنفالکریان و هەموو قوربانیێن دی یێن دەستێ ڕژێما پێشتر یا عێراقێ قەرەبوو بکەت.
سەرێ ڕێز و ئیحتیرامێ بۆ گیانێ پاقژێ شەهیدين هەلەبجە و هەموو شەهیدێن کوردستانێ د چەمینین.
مەسرور بارزانی
سەرۆکێ حکومەتا هەرێما کوردستانێ