سه‌ما
رێڤه‌به‌رێ ناحيا رزگارى دبێژت: چه‌ندين پرۆژێن گرنگ يێن چێكرنا جادده‌يان ژلایێ حكوومه‌تا هه‌رێما كوردستانێ ل كۆمه‌لگه‌ها دێره‌بوونێ هاتينه چێكرن و كه‌فتينه دخزمه‌تا خه‌لكی دا.
ئه‌ديب جه‌عفه‌ر، رێڤه‌به‌رێ ناحيا رزگارى ل سنوورێ ئیدارا سه‌ربه‌خۆیا زاخۆ بۆ سه‌ما راگه‌هاند، نێزيكى 1300مترێن جادده‌يێن ناڤخۆيى ل كۆمه‌لگه‌ها دێره‌بوونێ و رێيا مه‌زارگه‌هێ عه‌ڤدێ ره‌ش هاتينه چێكرن و قێركرن، پرۆژێن گه‌له‌ك گرنگن و که‌فتينه دخزمه‌تا خه‌لكێ ده‌ڤه‌رێ دا، هه‌روه‌سا ئاسانكارى بۆ هاتن وچوونا ولاتیان چێکریە، هه‌روه‌سا نڤيسينگه‌ها لالش و بنگه‌هێ ساخله‌ميێ ژى هاتينه نووژه‌نكرن.
گۆت ژى: نۆكه كار ل سه‌ر نووژەنکرنا کانیا دێرەبوونێ مه‌زارگه‌هێ عه‌ڤدێ ره‌ش دئێته كرن، ب شێوازەکێ جوان دێ کەفته د خزمەتا ئاینی و گەشتیاری دا.
كۆمه‌لگه‌ها دێره‌بوونێ سه‌ر ب ناحیــا رزگــاری ل ئیــدارا سەربەخــۆیا زاخــۆ ڤه‌يه، نێزيكى هه‌شت گوندان بخۆڤه دگرت و پتريا روونشتڤانێن وێ ئێزدينشينن.