ناڤەندا نووچەیان – سەما
دوهى ههلبژارتنێن جڤاتێن باژێرڤانييان ل چهندين باژێرێن ئهلمانيا ب ڕێڤهچۆن كو 10 بهربژارێن سهركهڤتن و بوونه ئهندام، نوونەرێ میرێ ئێزدیيان ل ئەورۆپا دبێژت: ئهڤه دەستكەڤتەكێ مەزنە و جهێ شانازیيێ یه بۆ ئێزدييان.
قێران ئيبراهيم بهگ، نوونەرێ میرێ ئێزدیيان ل ئەورۆپا ڕاگههاند، سەركەڤتنا 10 بەربژێرێن ئێزدی وەك ئەندامێن جڤاتێن باژێرڤانیيێ ل چەندین باژێرێن ئەلمانیا دەستكەڤتەكێ مەزنە و جهێ شانازیيێ یە. ئاماژە ب وێ چهندێ دا ئەڤ سەركەڤتنە شیانێن كوڕ و كچێن جڤاكێ ئێزدی دیار دكهت و پشكداریيا وان يا كارا ل ئەو جڤاكێن تێدا دژین نیشان ددهت.
نوونەرێ میرێ ئێزدیيان رۆنكر، ئەڤ نوونەراتیيا بلند، ئەركی دئێختە سەر ملێن سەركەڤتیيان دا كو ل سەر دیاربوونێ بەردەوام بن و نموونەیەكا ئەرێنی پێشكێش بكهن كو خزمەتا جڤاك و وەلاتێ لێ دژین بكهت.
لیستا ناڤێن سەركەڤتیان وەك ئەندامێن جڤاتێن باژێرڤانیيێ ل ئەلمانيا ئەڤەنە:
باژێرێ ئۆلدنبۆرگ:
لهيلان دومان
گوزل تۆلان
نۆژدار سهعيد
دارا بهكو
باژێرێ كلوپنبۆرك:
يلماز شێخ عهڤدۆ
باژێرێ نينبۆرك:
خهليل شێخ حسى چهلكى
باژێرێ سيلى:
بههيه شێخ عهڤدۆ
رێزان شێخ عهڤدۆ
سهلاح ئهلدين شێخ بههجهت
باژێرێ بورغدورف / هانۆڤهر:
تيار دوران
