ناڤەندا نووچەیان – سەما
ئیرۆ ئینیێ 19ی ئادارا 2026، ب هەلکەفتا جەژنا نەورۆزێ میر حازم تەحسین بەگ، میرێ ئێزدییان ل کوردستان، عێراقێ و جیهانێ د پەیامەکێ دا جەژنا نەورۆزێ ل گەلێ کورد پیرۆز کر.
د پەیاما میرێ ئێزدییان دا هاتییە:
ب هەلکەفتا هاتنا جەژنا نەورۆزێ، گەرمترین پیرۆزباهییان ئاراستەی گەلێ کورد ب گشتی و هەموو ئاهەنگگێڕێن جەژنا نەتەوەیی و سەرێ سالا کوردی نەورۆزێ دکەین.
ب وێ هیڤییێ کو ئەڤ جەژنە ببتە مەشخەلەک بۆ هەموو ئازادیخوازێن جیهانێ و ببتە ڕۆناهیەک بۆ وان گەلێن کو تێهنیێن ئازادی، دیموکراسی و ئاشتیێ نە.
هیڤیدارین کوردستان ب هەر چار پارچەیێن خۆ ڤە و هەموو دەڤەر د ناڤ تەناهی و ئارامییێ دا بژین، و ئەڤ عەورێ ڕەش ل سەر ئاسمانێ وەلاتێ مە یێ خۆشتڤی نەمینت.
خودایێ مەزن ڤێ جەژنێ ل سەر هەموویان ب خێر و خۆشی و سەقامگیریێ ڤەگێرتەڤە.