ناڤهندا نووچهیان – سهما
ب مەبەستا ڕێکخستنا رێورەسمێن هەڤژینیيێ و کێمکرنا مهزاختى و تێچوویێن زێدە یێن داوەتان کو بووینە بارگرانییەکا مەزن ل سەر شانیێن گەنجێن ئێزدی ل وەلاتێ ئەلمانيا، چەندین مالێن ئێزدیان کۆمبوونەکا بەرفرەهـ ئەنجامدا و تێدا چەندین بڕیار و گوهۆڕینێن گرنگ هاتنە ڕاگەهاندن.
نەدیم ئەرکیش، ئەندامێ مالا ئێزدیان ل ئەمریخ، ئيڕۆ چارشهمبوويێ 25ـى ئادارا 2026، د لێدوانەکا تایبەت دا بۆ سەما ڕاگەهاند، ئەڤ کۆمبوونا چار مالێن ئێزدیيان ب مەبەستا ئاسانکاریکرنێ بوو بۆ ئەو گەنجێن دڤێن ژیانا هەڤژینیێ پێکبینن، چنکو مەزاختیێن زێدە و بلندبوونا بهایێ زێڕی د بازاڕێن جیهانێ دا کاریگەرییەکا نەرێنی ل سەر پرۆسەیا هەڤژینیێ دناڤ جڤاکێ مە دا کریە و لەوا بڕیار هاتە دان گوهۆڕینێن ریشالی د ڤی بوارى دا بێنە کرن.
دەربارەی ناڤەڕۆکا بڕیاران، ئەرکیش ئاماژە ب هندێ کر، ئێک ژ خالێن سەرەکی یێن کۆمبوونێ دیارکرنا نەختێ کچێ بوو كو دێ ڕاوێژێ دگەل جڤاتا رۆحانی یا بلندا ئێزدیان كهن دا کو پتر ئاسانکاری بۆ گەنجان بێتە کرن و دێ گوهۆڕين و پێداچۆنێ دێ مهزاختييێن داوهتان دا كهن، پشتى كو كۆميسيۆنهكا گشتى ل ئهلمانيا دئێته دانان و دێ رهزامهندييا ههموو ئێزدييان ل سهر ڤێ چهندێ وهرگرن.
ئەڤ پێنگاڤە ژ لایێ جڤاکێ ئێزدی ل ئەلمانيا وەک دەستپێشخەرییەکا گرنگ دئێتە دیتن بۆ پاراستنا خێزانێ و هاندانا گەنجان بۆ پێکئینانا ژیانا هەڤژینیيێ د ناڤبەرا بارودۆخێن ئابووری یێن سەخت دا.
هەر د ڤى چارچۆڤەیى دا، جڤاتا رۆحانی یا بلندا ئێزدیيان ب سەرۆکاتیا میر حازم تەحسین بەگ، پشتی وەرگرتنا بۆچۆنێن تەخ و چینێن جڤاکى بڕیار دا کو بڕێ نەختێ کچا ئێزدی ب چل گرامێن زێڕێ عەیار بیست و یەک بێتە دیارکرن و پیرۆزباهی ل هەر کەسەکێ دئێتە کرن کو کێمتر ژ ڤێ بڕێ وەربگرت.
ئەڤ بڕیارە هەموو دەڤەرێن ئێزدیخانێ ل كوردستان، عێراقێ و جیهانێ دگرت و ب فەرمی ژ رۆژا 25-1-2-2026، چۆیە د وارێ جێبەجێکرنێ دا.