ناڤهندا نووچهیان – سهما
ميرێ ئێزدييان هێرشا مۆشەکی بۆ سەر بارەگههێ هێزێن پێشمەرگەيى شهرمهزار دکهت و ڕاگههاند، ئارمانجکرنا کوردستانێ واتە ئارمانجکرنا هەموو تەخ و چین و پێکهاتەیێن گەلێ کوردستانێ یە.
مير حازم تهحسين بهگ، ميرێ ئێزدييان ل كوردستان، عێراقێ و جيهانێ ڕاگههاندنهك بهلاڤ كر و تێدا ئاماژە ب وێ چهندێ دا، هێرشا مۆشەکی بۆ سەر بارەگههێ هێزێن پێشمەرگەيى شهرمهزار دکهين و پرسه و سهرهخۆشييێن خۆ ئاراستهى كهسوكارێن جانگۆڕيێن قارهمان دكهين و هيڤييا چاكبوونا بلهز بۆ برينداران دخوازين.
ميرێ ئێزدييان دبێژت: کوردستان هەموو دەمان وەکو كهڤالهكێ جوانه و هەموو پێکهاتە تێدا کۆمبووینە، و ئارمانجکرنا کوردستانێ واتە ئارمانجکرنا هەموو پێکهاتەیێن گەلێ کوردستانێ یە.
د پهياما ميرێ ئێزدييان دا هاتييه، هيڤيخوازين شەڕ ب داوى بێت و ڕشتنا خوونا مرۆڤێن بێ گونهـ ژ پێشمەرگەى و سڤیلان ب سهكنت، و زەرەر و زیان نەگەهنە مۆلک و مالێ گشتى و تایبەت.
دوپاتكر، زمانێ توندوتیژیيێ چ تشتەکى ژبلى وێرانکارى و خرابکرنا وەلات و مرۆڤاتیيێ نائینت، لێ بەروڤاژى، زمانێ ئاشتيیێ ئۆمێد و ئاسایيش و تەناهیيێ ئاڤا دکەت.