وەزارەتا پەروەردێ: هەموو ئه‌زموونێن ناڤ قوتابخانان هاتنه‌ ڕاگرتن

ناڤەندا نووچەیان – سەما

وەزارەتا پەروەردێ يا حکومەتا هەرێما کوردستانێ بڕیارا راگرتنا هه‌موو هەلسەنگاندن و ئه‌زموونان ل ناڤ قوتابخانەيان دا دەرکر و ته‌كه‌ز كر كو  ب تنێ پڕۆسەیا خواندنا ئۆنلاین دێ ئێته‌ ئەنجامدان.

ئيرۆ دووشەمبوويێ، 30ـی ئادارا 2026، وه‌زاره‌تا په‌روه‌ردێ نڤیساره‌ك ئاڕاسته‌ی هه‌موو په‌روه‌رده‌یێن گشتی ل پارێزگه‌ھ و ئیداره‌یێن سه‌ربه‌خۆ كریيه‌ و تێدا هاتیيه‌؛ هەموو هەلسەنگاندن و ئەزموونێن ناڤ قوتابخانان دێ ئێنە ڕاگرتن و ب چ رەنگەکی قوتابی ڤەناگەڕنە ناڤ قوتابخانان، د ڤێ قۆناغێ دا بتنێ پرۆسەیا خواندنا ئەلکترۆنی و ئۆنلاین دێ ئێتە ئەنجامدان.

دنڤيسارێ دا ئاماژە ب وێ چه‌ندێ دا، هەر قوتابخانەیەکا ئەزموونێن نێڤدەولەتی هەبن و گرێدايی دەم و ڕێکەفتێن دەرڤەی وەلاتی بن و پێگیربوون ل سەر هەبت، پێدڤییە بەروەخت ب نڤیسارەکا فەرمی وەزارەتێ ئاگەهدار بکەت داکو ئاسانکاری و رێپێدان بۆ بێتە کرن.