حکومەتا هەرێما کوردستانێ رۆژا دووشەمبی کرە بهێنڤهدانا فەرمی
ناڤەندا نووچەیان – سهما
حکومەتا هەرێما کوردستانێ، رۆژا دووشەمبوویێ وەک بهێنڤهدانا فەرمی ل هەموو دامودەزگەهان راگەهاند؛ ئەڤ بڕیارە ب هەلکەفتا دەربازبوونا 38 سالان ل سەر کارەساتا کیمیابارانا هەلەبجە و ب پشتەستن ب یاسایا نووی یا بهێنڤهدانا فەرمی ل عیراقێ هاتیە دان.
فەرمانگەها میدیا و زانیاری یا حکومەتا هەرێما کوردستانێ ئاشکرا کر، کو رۆژا دووشەمبی 16-03-2026، ب هەلکەفتا یادا کیمیابارانا هەلەبجە، ل هەموو دامودەزگەهێن حکومی دێ بتە بهێنڤهدانا فەرمی.
ئەڤ بڕیارە هەموو فەرمانگەهان ڤەدگرت، ب تنێ ئەو پشكێن خزمەتگوزاری نەبن یێن کو پێدڤی یە ب شێوێ (خەفەر) بەردەوام بن بۆ بڕێڤەبرنا کارێن بلەز یێن وەلاتییان.
یاسایا نووی یا بهێنڤهندانێن فەرمی کو ل پەرلەمانێ عیراقێ هاتیە پەسەندکرن، رۆژا 16ی ئادارێ وەک رۆژەکا نیشتمانی بۆ یادکرنا قوربانییێن کیمیابارانێ، تاوانێن ئەنفالێ و گۆرێن ب کۆمەڵ جێگیر کرییە.
تێ زانین ئەڤە سالا ئێکێ یە ئەڤ ڕۆژه د چارچۆڤێ ڤێ یاسایا فیدرالی دا ل هەرێما کوردستانێ دهێتە بجهئینان.