ناڤهندا نووچهیان – سهما
شارهزایهكێ جڤاكێ ئێزدیان بۆ ناڤهندێن نووچهیێن سهما دیار كر كو دناڤ جڤاكێ ئێزدیان نابت هندهك كهس ههڤژینیێ پێك بینن، ژبهركو خۆ بۆ خودێ دشكێنن و گۆت، لێ ب گشتی ههڤژینی لدهف ئێزدیان لایهنهكێ گرنگ یێ جڤاكی یه.
چالاكڤان و شارهزایێ جڤاك و ئایینێ ئێزدیان هۆگر حهیدۆ دیار كر كو پرۆسێسا ههڤژینیێ د جڤاكێ ئێزدیان دا لایهنهكێ گرنگ یێ جڤاكییه و دهرگههێ ههڤژینیێ یێ ڤهكرییه و گۆت: نابت زهلام یێ بتنێ بت داكو جڤاكهكێ گونجایی و ب رێكوپێك بهێته ئاڤاكرن و دوور بت ژ پهیوهندیێن نهرهوا، وهكو قهولێ مه یێ شهقه سهمری دبێژت:
“ئهزنهبینم مێرێ بتنێ
كالی بكه ژنی
مێرێ لبن حوكمێ ژنی.
هۆگر حهیدۆ د بهردهوامیا ئاخفتنێن خۆدا دیار كر دناڤ جڤاكێ ئێزدیان هندهك كهس ههنه كو نابت ژیانا ههڤژینیێ پێك بینن، ژبهركو ئهو خۆ بۆ خودێ دشكێنن و خزمهتا پهرستگهها پیرۆزا لالشی و ئاخرهتێ دكهن و دهست ژ دونیایێ بهرددهن.
دیارژی كر، ئهو كهسێن ههڤژینیێ پێك نائینن دبێژنێ “شكهستی” لهوما قهولێ مهرسوما جهبێره دبێژیت؛
فهقیرا ئێكه چیكر
خۆ ژ خۆشی و لهڤزهتێن دنی كر
ئهف دنیا هیلا و بهرب ئاخرهتێ كر”.