ناڤهندا نووچهیان – سهما
ئیرۆ سێشەمبوویێ، 3ـی ئادارا 2026، مەسرور بارزانی سەرۆکێ حکومەتا هەرێما کوردستانێ، نەخۆشخانەیا “ماجدی یا تایبەت” ل هەولێرێ ڤەکر و د پەیڤەکێ دا پیرۆزباهی ل خەلکێ کوردستانێ و هەولێرێ کر و دیار کر کو ئەڤ نەخۆشخانە ب ستانداردێن جیهانی هاتیە ئاڤاکرن.
سهرۆكوهزیران مهسرور بارزانی بهحسا شهڕ و ئالۆزیێن دەڤەرێ كر و گۆت: ژ ههموویێ نهخۆشتر ئهوه د ڤان رۆژێن بۆری دا، هندهك ئالیێن ژ یاسایی دهرچۆین،تێرۆرست، ههولێر ژی كرییه ئارمانجێن خۆ، ئهز سوپاسیا خۆراگرییا خهلكێ كوردستانێ دكهم و پشت راست دكهین ههموو پێنگاڤان دێ هاڤێژین بۆ وێ چهندێ كوردستان یا دووربت ژ شهڕ و ئالۆزیێن ناڤچهیێ و ب ههموو ئاوایهكی دێ خهلكێ خۆ پارێزین و دێ بهردهوام بین د پاراستنا دهستكهفتێن وهلاتێ خۆ.
ل دۆر مووچه و بودجهيی ژی، مهسرور بارزانی دوپاتكر، ژ ڤی ئالی ڤه حكومهتا ههرێما كوردستانێ ههموو پابهندیێن خۆ بهرامبهر حكومهتا عیراقێ جێبهجێكرینه و داخواز ژ بهرپرسێن بهغدا ژی كر، پابهندیێن خۆ بهرامبهر خهلكێ ههرێمێ جێبهجێبكهین.
ههر وهسان ل دۆر كێمبوونا بهرههمئینانا كههرهبێ ژی رۆنكر، هندهك ژ كۆمپانیان وهكو رێكارهكێ خۆپارێزیێ بهرههمێن وان كێمبوویه، ئهڤهژی بوویه ئهگهرێ كێمبوونا كههرهبا نشتیمانی، ئهڤه تشتهكێ دهمكییه و هیڤیخوازین باردۆخ بهرهڤ ئاسایبوونێ بچت و خهلكێ مه بلا بهێنفرابن و ئهوا هاتییه روودان ژ دهرڤهی ئیرادا مهیه و ههموو ههولهكێ ددهین كێمترین زیانێن ڤی شهڕی بهر ب خهلكێ مه بكهڤت.
مەسرور بارزانی سەرۆکێ حکومەتا هەرێما کوردستانێ داخواز ژ بهغدایێ كر، رێكێ نهدهن تیرۆرست و گرۆپێن ژ یاسایی دهركهفتین هێرشی ههرێما كوردستانێ بكهن، ژبهركو ئهم نكارین ههتا داویێ بێدهنگ بین.