ناڤەندا نووچەیان – سەما
ئيرۆ سێ شەمبوويێ، 26ـی ئهیارا 2026، سەرۆک بارزانی پەیامهك ب ههلكهفتا 50ههمین سالیادا هلكرنا شۆڕهشا گولانێ بهلاڤ کر.
سەرۆک بارزانی شۆڕشا گولانا ب “قۆناغهكا گرنگ و چارەنڤيسسازا خەباتا گەلێ كوردستانێ” ب ناڤ كر و تهكهز کر، “ئەڤ شۆڕهشە درێژهپێدهر و هەلگرا پەیام و ئامانجێن شۆڕشا مەزنا ئەیلوولێ بوو.”
د پەیاما سەرۆک بارزانی دا هاتييە: “شۆڕەشا گولانێ بۆ هەموو لایەکی سەلماند کو ئەگەر د قۆناغەکێ دا خەباتا گەلێ کوردستانێ بۆ دەمەکێ کورت تووشی ڕاوەستانێ ببت، لێ ئیرادا گەلێ کوردستانێ چ جاران نەشکەست، بەلکو بۆ گەهشتن ب ئارمانجێن پیرۆز ب ئۆمێد و هێزەکا نوو د تێکۆشان و خەباتا خۆ دا بەردەوام بوو.”
دەقێ پەیاما سەرۆک بارزانی:
ب ناڤێ خودێ مەزن و دلۆڤان
شۆرەشا گولانێ قۆناغەکا گرنگ و چارەنڤیسساز یا خەباتا گەلێ کوردستانێ بوو. ئەڤ شۆرەشە بەردەوامی و هەلگرا پەیام و ئارمانجێن شۆرەشا مەزنا ئەیلوولێ بوو. شۆڕەشا گولانێ بۆ هەموو لایەکی سەلماند کو ئەگەر د قۆناغەکێ دا خەباتا گەلێ کوردستانێ بۆ دەمەکێ کورت تووشی ڕاوەستانێ ببت، لێ ئیرادا گەلێ کوردستانێ چ جاران نەشکەست، بەلکو بۆ گەهشتن ب ئارمانجێن پیرۆز ب ئۆمێد و هێزەکا نوو د تێکۆشان و خەباتا خۆ دا بەردەوام بوو.
شۆرەشا گولانێ سەرکەفتن ب دەستڤە ئینا، ژبەرکو پشت ب قارەمانییا پێشمەرگەی و خۆراگرییا جەماوەری و رێکخستنەکا ب هێز و دروشم و ئارمانجێن روون بەستبوو.
د 50سالیيا شۆرەشا گولانێ دا، پێزانینێن من بۆ جەماوەرێ کوردستانێ و هەمی وان تێکۆشەر و پێشمەرگە و نیشتمانپەروەران هەنە یێن کو ل ناڤخۆ و دەرڤەی کوردستانێ رۆلەکێ قارەمانانە د شۆرەشا گولانێ دا هەبویی و دیرۆکەکا گەش و تژی شانازی بۆ گەلێ خۆ تۆمار کری.
د ڤێ یادێ دا سلاڤان بۆ گیانێ ئێکەم شەهیدێ شۆرەشا گولانێ، شەهید سەید عەبدوڵڵا حاجی ئۆمەرانی و شەهیدێن شۆرەشا گولانێ و هەمی شەهیدێن کورد و کوردستانێ دهنێرین. ئازادی و دەستکەفتێن دی یێن گەلێ مە، بەرهەمێ خوینا شەهیدان و قارەمانییا پێشمەرگەی و رەنج و دلسۆزییا خەباتکارێن شۆرەشا گولانێ و هەمی شۆرەشێن گەلێ کوردستانێ نە.