ناڤەندا نووچەیان – سەما
د چارچۆڤێ پرۆژە بڕیارێن مەسرور بارزانی، سەرۆكێ حكومەتا هەرێما كوردستانێ، بۆ خزمەتكرنا ڕزگاربوویان و پشتەڤانیكرنا کاروانێ وان یێ پەروەردەیی و فێركرنێ، دەرگەهێ وەرگرتنا داخوازییێن پێشكێشكرنێ بۆ سالا نوو یا خواندنێ هاتە ڤەکرن.
د. منیب سیدۆ، بەرپرسێ لژنا قوتابیان ل بنگەهێ لالش ل دهۆکێ بۆ سەما ڕاگەهاند، ئەم داخوازێ ژ وان ڕزگاربوویان دكەین ئەوێن دڤێن ب زڤڕنە سەر كورسیكێن خواندنێ یان کاروانێ خۆ یێ پەروەردەیی تەمام بكەن، فۆڕما پێشکێشکرنێ تەمام بكەن، ئەگەر خالێن ل خوارێ ل سەر وان ب جی بێن:
1.دەرچوویێن پۆلا سێیێ ناڤنجی ئەڤێن دڤێن پێشكێشی پەیمانگەهان بكەن.
2. ئەو كەسێن دڤێن سیستەمێ خواندنا خۆ بگوهۆڕن د ناڤبەرا سپێدەهیان، ئێڤاران، یان دەرەكى، یان هەر سیستەمەكێ دی یێ خواندنێ.
3. ئەو كەسێن دڤێن ب زڤڕنە سەر خواندنێ پشتی بڕینا وێ بۆ دەمەكێ درێژ.
4.قوتابییێن زانكۆ و پەیمانگەهان ئەڤێن ب سیستەمێ ئێڤاران یان پارالێل دخوونن، و دڤێن خواندنا خۆ بگوهۆڕن بۆ خواندنا بێبەرامبەر(فڕی).
5. ئەو حالەتێن پێدڤى ب ئاسانكارییان یان وەرگرتنا تایبەت هەیى.
بەرپرسێ لژنا قوتابیان دوپاتکر، هیڤیدارین دەمێ تژیکرنا فۆڕمێ، قۆناغا وە يا نهۆ یا خواندنێ یان داوی قۆناغ كو وە گەهشتینێ رۆن بكەن، دگەل ئەو قۆناغا وە دڤێت تێدا بخوونن، ب دیارکرنا ئاریشە یان ئاستەنگێن بەرامبەری وە دبن.
دیار ژی کر، پشتی پركرنا فۆڕمێ، دێ پەیوەندییێ ب ڕزگاربوویان كەین بۆ ب دەستکەڤتنا زانیارییێن تەمام، ئەو ژی بۆ بەرهەڤكرن و بلندكرنا داخوازییێن وان بۆ وەزارەتا پەیوەندیدار و دووڤچۆنا وان.
لینكێ فۆڕمێ:
https://docs.google.com/forms/d/e/1FAIpQLSdRgvdlZc1V7wkIvWQx0UkZFt46OqEDT-qmyNSKR7qJa7KrWA/viewform