ناڤهندا نووچهيان – سهما
د.سامان بهرزنجى، وهزیرێ ساخلهمیێ ل حكومهتا ههرێما كوردستانێ لايهنێن پهيوهنديدار ڕاسپاردن بۆ چارهسهركرنا خێزانهكا ئاوارهيا ئێزدى، كو تووشى نهخۆشيا شێرپهنجێ بووينه.
پشتى كهناڵێ سهما ڕاپۆرتهك ل دۆر ڕهوشا خێزانهكا ئاوارهيا ئێزدى بهڵاڤكرى، كو چار ئهندامێن وێ تووشى نهخۆشيا شێرپهنجێ بووينه، د.سامان بەرزنجی، وهزيرێ ساخلهميێ ل حكومهتا ههرێما كوردستانێ دووڤچوونا بابهتى كريه و لایەنێن پەیوەندیدار ئيناينه سهر هێل.
لدووڤ ڕاسپاردهيێن وهزيرێ ساخلهميێ، كو ئاراستهى ساخلهميا دهۆكێ كريه و پەیوەندى ب خێزانێ كرينه، دێ چنە لایێ ئهوان بۆ چارەسەريێ كو يا پێدڤى بۆ بكهن.
د.سامان بهرزنجى، وهزیرێ ساخلهمیێ ئاماژه ب وێ چهندێ دا، ههموو ئاسانكاريێن تمام دێ بۆ ڤێ خێزانێ ئێنه كرن و لايهنێن دى ژى كارێ خۆ ل سهر ڤى بابهتى دكهن.
ئهڤ خێزان خهڵكێ گوندێ وهرديێ نه ل شنگالێ، ئهڤه يازده ساڵن دژيانا ئاوارهيێ دا ل كهمپا باجد كهنداڵا يا ئاوارهيێن شنگالێ ل سنوورێ ئيدارهيا سهربهخۆيا زاخۆ دژين، چار ئهندامێن وێ پێكڤه تووشى نهخۆشيا شێرپهنجێ بووينه.
سهرهراى دهردێ ئاوارهيێ تووشى نهخۆشيهكا گرانبووينه و ژيانا سهرۆكێ خێزانێ ژى ل سهر كارێ كرێكاريێ بوويه و ههژارن و چ ژێدهرێن دى نينن بكارن چارهسهريێ وهرگرن.