ناڤه‌ندا نووچه‌يان – سه‌ما
ماوه‌يه‌كه ديپۆرتكرنا په‌نابه‌رێن ئێزدى ل وه‌لاتێ ئه‌لمانيا ده‌ستپێكرييه و ئێزدى ل وى وه‌لاتى دلگرانكرينه، كو هێش د ئێش و ئازارێن جينۆسايدێ دا دژين.
جاسم قاسم بۆزانى، شێوه‌رمه‌ندێ مالا ئێزدييان ل باژێرێ فورسهايم ل ئه‌لمانيا، ئيرۆ 3ـى چريا دويێ 2026، تايبه‌ت بۆ سه‌ما ڕاگه‌هاند، ئه‌ڤه ماوه‌يێ نێزيكی دو سالانه كاری دگه‌ل پارتێن ئه‌لمانی و ڕێكخراوێن مرۆڤا‌تی، و دانوستاندنان ل گه‌ل په‌رله‌مانێ باژێرێ شتوتگارت ل هه‌رێما بادن-ڤوێڕته‌مبێڕگ دكه‌ين، بۆ ڕاگرتنا دیپۆرتكرنا ب زۆری یا ئێزدییان ل وێ هه‌رێمێ.
شێوه‌رمه‌ندێ مالا ئێزدييان رۆنكر ژى، پشتی بزاڤ و مانديبوونه‌كا گه‌له‌ك مه‌زن گه‌هشتينه ئه‌نجامه‌كێ باش ژ په‌رله‌مانتاره‌كێ ئه‌وێ هه‌رێمێ كو سۆزدا ئاسانكارييان بۆ په‌نابه‌رێن ئێزدى بكه‌ت، ب مه‌رجه‌كى 25 هه‌زار ئيمزا بێنه كۆم كرن.
بۆزانى داخوازێ ل هه‌موو ئێزدييان و هه‌ڤسۆزێن وان دكه‌ت ڤێ ده‌ستپێشخه‌رييێ ئيمزا بكه‌ن، بۆ ڕاگرتنا ديپۆرتكرنا ئێزدييان.
دا زانين ژى، هەموو ئاكنجييێن ئەلمانیا و ئەورۆپا، چ ئێزدی بن و چ غه‌يرى ئێزدی، دكارن ب رێيا لینکێ ئەلیکترۆنی ئيمزا بکەن.
ب گۆڕه‌ىى ئامارێن نه فه‌رمى، نێزيكى 400هه‌زار ئێزدييان ل وه‌لاتێ ئه‌لمانيا دژين و ب سه‌ر باژێرێن جودا دا به‌لاڤه‌بووينه و داب و نه‌ريتێن خۆ يێن ئۆلى و كه‌لتوورى ئه‌نجام دده‌ن.